Эрдэнэт үйлдвэрийн 46 дугаар спартакиадын бадминтоны тэмцээн өнөөдөр холимог багийн болон ганцаарчилсан төрлөөр явагдаж байна. Тус тэмцээнд 13 багийн 100 гаруй тамирчин хурд, хүч, авхаалж самбаа, хөдөлгөөний эвсэл, мэдрэмж, техникийн ур чадвараа сорин өрсөлдөж байгаа бол гурван баг бадминтоны төрөлд оролцсонгүй.
Холимог багийн төрөл нь спартакиадын үндсэн дүнд нөлөөлөх онооны чухал үзүүлэлттэй. Одоогоор тус төрлийн хэсгийн буюу зоны тоглолтууд өндөрлөж, хасагдах шатны ширүүн өрсөлдөөн эхлээд байна.
Хасагдах шатанд Автотээврийн цех, “Сэлэнгэ” амралт аялал жуулчлалын цогцолбор, Ган бөөрөнцгийн хамтарсан баг, Ил уурхай, Судалгаа шинжилгээний хүрээлэнгийн хамтарсан баг, Засвар, механикийн заводын багтай дөрөв дээр тоглохоор сугалаа таарчээ. Харин Баяжуулах үйлдвэр, Геологи хайгуулын экспедици, Эрдэнэт цогцолбор их сургуулийн хамтарсан баг, ХМТАЦ, Ус хангамжийн цехийн хамтарсан баг, Цахилгаан цех, Аж ахуй, үйлчилгээний цехийн хамтарсан баг шигшээ наймд үлдээд байна. Эдгээр багаас хожсон нь хагас шигшээд шалгарч, медалийн төлөөх өрсөлдөөнөө үргэлжлүүлэх юм.
Удахгүй эрэгтэй, эмэгтэй ганцаарчилсан төрлийн тоглолтууд эхэлнэ гэж Спорт цогцолборын ахлах арга зүйч Э.Эрдэнэбаяр мэдээллээ.
Нар минутад мандаж минутад жаргана.
Үс засуулвал: 
Суудал: 
