“Эрдэнэт үйлдвэр” ТӨҮГ-ын захиргаа, ҮЭ-ийн хооронд хоёр жилийн хугацаатай Хамтын гэрээ байгуулан ажилладаг. Энэ удаа нийтийг хамарсан цар тахлын нөхцөлөөс үүдэлтэй, хамтын гэрээнд тусгаагүй зарим хүчин зүйлийг авч хэрэгжүүлэх зорилгоор ҮЭ-ийн холбоо, Үйлдвэрийн газрын захиргаатай хамтран ажиллах санамж бичигт гарын үсэг зурсан байна. Уг санамж бичгийг цар тахлын улмаас үүсээд буй хүндрэл бэрхшээлийг даван туулах, үйлдвэрийн найдвартай, тасралтгүй үйл ажиллагааг хангах, хамтын харилцааг боловсронгуй болгох зорилгоор хоёр тал байгуулжээ. Энэ ажлын хүрээнд орон тоо цомхотгохгүй, цалин бууруулахгүйгээр хөдөлмөр зохион байгуулалтыг оновчтой хийх, нийт ажилтнуудыг түргэвчилсэн оношилгоо болон вакцинд хамруулах, зөв мэдээллээр хангах зэрэг чиг үүрэг барин ажиллаж байна, гэж албаны хүн онцлов. Тухайлбал, ажилтнуудыг зайнаас ажиллуулах, 0-12 нас хүртэлх хүүхэдтэй эхчүүд, өрх толгойлсон аавуудад цалинтай чөлөө олгох зэрэг хөдөлмөр зохицуулалтын арга хэмжээ авч байгаа юм. Цар тахлаас ангижирч ногоон бүс болох хүртэл хугацаанд энэхүү санамж бичигт тусгасан гэрээний заалтыг хүчин төгөлдөр мөрдөх аж. Дараа нь талууд хамтын ажиллагааныхаа ажлын үр дүнг дүгнэх бөгөөд “Хүний төлөө” цомын эзнийг ч шалгаруулахаар болжээ. Түүнчлэн цар тахлын үеийг эрсдэл багатай давж гарах үүднээс нийт ажиллагсдын халдвар хамгааллын дэглэмийг сайжруулах, PCR болон түргэвчилсэн шинжилгээнд бүрэн хамруулах, өрөө тасалгааны халдваргүйжүүлэлт, хамгааллын үйл ажиллагааг эрчимтэй явуулах, ажилтнуудыг сэтгэл зүйн хувьд бэлтгэх, буруу ташаа мэдээллээс урьдчилан сэргийлэх, вакцинжуулалтыг эрчимтэй явуулах үйл ажиллагаануудыг ҮЭ-ийн холбоо дэмжин ажиллаж байна.
Т.Батчулуун
Фото: Б.Баттөгс
Нар минутад мандаж минутад жаргана.
Үс засуулвал: 
Суудал: 
