“Эрдэнэт үйлдвэр” ТӨҮГ-ын үйлдвэрлэлийн осол, мэргэжлээс шалтгаалах өвчлөлөөс урьдчилан сэргийлэх, хөдөлмөрийн эрүүл мэнд, аюулгүй байдлын нөхцөлийг сайжруулах иж бүрэн арга хэмжээний 2026 оны төлөвлөгөөний хүрээнд АШУҮИС-ийн Нийгмийн эрүүл мэндийн сургуультай хамтран, хөдөлмөрийн эрүүл ахуйн техникч бэлтгэх сургалтыг 2026 оны 08 дугаар сарын 24-нөөс 10 дугаар сарын 01-ний өдрийг хүртэл зохион байгуулсан.
Тус сургалтад үйлдвэрийн газрын бүтцийн нэгжүүдийн 21 ажилтан хамрагдаж, ажлын байрны эрүүл ахуйн хүчин зүйлсийг хэмжих, үнэлэх, хэмжилтийн багаж хэрэгсэлтэй ажиллах онол, дадлагын мэдлэг, ур чадвар эзэмшсэн байна.
Энэхүү сургалт нь хөдөлмөрийн эрүүл ахуйн хэмжилт, үнэлгээг цаг алдалгүй гүйцэтгэх, ажилтнуудын эрүүл мэндийг хамгаалах, мэргэжлээс шалтгаалах өвчлөлөөс урьдчилан сэргийлэхэд чухал ач холбогдолтой юм. Сургалтын төгсгөлд оролцогчдоос шалгалт авч, амжилттай суралцсан ажилтнуудад, өнөөдөр болсон ХАБЭА-н хэлтсийн сарын зөвлөгөөний үеэр гэрчилгээг нь гардууллаа.
Мөн зөвлөгөөний үеэр, ажлын байрны ХЭМАБ-ын тэмдэг, тэмдэглэгээний хүртээмж, ойлгомжтой байдлыг сайжруулах, ажилтнуудын аюулгүй ажиллах зан үйл, эрсдэлийг таньж мэдэх мэдлэг, хандлагыг нэмэгдүүлэх зорилготойгоор зохион байгуулагдсан “Ажлын байрны ХЭМАБ-ын тэмдэг, тэмдэглэгээ” сайжруулах тэмцээний дүн гарч, шилдгүүдийг байр эзлүүлж, шагнал гардууллаа.
Тэмцээнд оролцогч бүтцийн нэгжүүд ажлын байрны тэмдэг, тэмдэглэгээг стандарт, шаардлагад нийцүүлэн сайжруулж, аюулгүй ажиллагааны жишиг орчин бүрдүүлэх чиглэлээр амжилттай оролцсон юм. Тэргүүн байрт Засвар, механикийн заводын Цутгуурын цехийн Механикийн засвар үйлчилгээний хэсэг, Дэд байрт Ус хангамжийн цехийн Цэвэр ус хангамжийн хэсэг, Гутгаар байрт Спорт цогцолборын Үйлчилгээ, аж ахуйн хэсэг шалгарлаа. Тусгай байранд Баяжуулах үйлдвэрийн Нунтаглан баяжуулах хэсэг, Засвар, механикийн заводын Механик цехийн Сэлбэг хэрэгсэл бэлтгэх хэсэг тус тус оржээ. Тэмцээнд идэвх санаачилгатай оролцож, ажлын байрны аюулгүй орчныг сайжруулахад үнэтэй хувь нэмэр оруулсан нийт хамт олонд баяр хүргэж, цаашдын ажил үйлсэд нь амжилт хүсье!
Нар минутад мандаж минутад жаргана.
Үс засуулвал: 
Суудал: 
