Канад Улсаас Монгол Улсад суугаа онц бөгөөд Бүрэн эрхт Элчин сайд Стивен Дауст (Stephen Doust), Элчин сайдын яамны зөвлөх бөгөөд худалдааны ахлах төлөөлөгч Дебра Бойс (Debra Boyce) нар өнөөдөр Эрдэнэт үйлдвэрт зочилж, үйлдвэрийн үйл ажиллагаатай танилцлаа. Элчин сайд Стивен Дауст Эрдэнэт үйлдвэрт зочлох үеэрээ тус үйлдвэрт тогтвортой уул уурхайн стандарт хэрхэн хэрэгжиж буй үйл явц, тулгарч болох сорилт бэрхшээл болон ахиц дэвшилтэй танилцаж, санал солилцох зорилготой иржээ.
Энэ хүрээнд тэрээр “Эрдэнэт үйлдвэр” ТӨҮГ-ын Ерөнхий захирал Г.Ёндон болон тус үйлдвэрт Тогтвортой уул уурхайн стандарт нэвтрүүлэх ажлын хэсгийн төлөөлөлтэй уулзаж, өөрийн орны сайн туршлага болоод цаашдын хамтын ажиллагааны талаар харилцан санал бодлоо солилцов. Канад Улсаас Монгол Улсад суугаа онц бөгөөд Бүрэн эрхт Элчин сайд Стивен Дауст, Элчин сайдын яамны зөвлөх бөгөөд худалдааны ахлах төлөөлөгч Дебра Бойс нарыг Эрдэнэт үйлдвэрт Тогтвортой уул уурхайн стандарт хэрэгжүүлэх Ажлын хэсгийн ахлагч, Захиргаа, удирдлага, санхүүгийн газрын дарга Д.Баярбат, бусад гишүүдийн хамтаар хүлээн авч, стандарт хэрэгжилттэй холбоотой үйл ажиллагаа, зорилт төлөвлөгөөний талаар танилцуулж, ярилцлаа.
“Монгол Улсад тогтвортой хөгжлийн чиглэлээр стандарт нэвтрүүлэх нь манай хоёр орны хамтын ажиллагааны нэгэн тод илрэл болж байна. Тэр тусмаа Эрдэнэт үйлдвэр, энэхүү стандартыг хэрэгжүүлэхэд түүчээлж, анхдагч болсон нь бидний хамтын ажиллагаанд хийгдэж буй чухал алхам юм. Бид энэ удаа Эрдэнэт үйлдвэрт тогтвортой уул уурхайн стандартыг хэрэгжүүлэхэд үйл ажиллагааны тэргүүлэх ач холбогдолтой чиглэлүүд, тухайлбал автоматжуулалт, аюулгүй байдал, усны болон хаягдлын менежмент, эрчим хүчний үр ашиг, байгаль орчинд ээлтэй бодлогоо хэрхэн төлөвлөж буйтай биечлэн танилцаж, шинэ гарц шийдлүүд болон эдгээрт ямар дэмжлэг үзүүлж, хамтрах талаар тодорхой зорилт дэвшүүлэхийг зорьж байна. Өөрөөр хэлбэл, та бүхний эрэлт хэрэгцээ, шаардлагад үндэслэн цаашдын төлөвлөгөөгөө боловсруулан хамтран ажиллах саналтай буй”-гаа Элчин сайд, Элчин сайдын яамны зөвлөх бөгөөд худалдааны ахлах төлөөлөгч нар уулзалтын үеэр илэрхийллээ.
Эрдэнэт үйлдвэрт Тогтвортой уул уурхайн стандарт нэвтрүүлэх үйл ажиллагаа 2025 оноос эхэлж, тус ажлын хэсэг 30 хүний бүрэлдэхүүнтэй ажиллаж байна. Энэ хүрээнд стандарт хэрэгжүүлэх ажлын хэсгийн 7 мэргэжилтнийг хүний нөөц, байгаль орчин, нийгэм эдийн засаг, үйлдвэрлэл, техникийн менежмент зэрэг чиглэлээр Канад улсад сургаж, мэргэшүүлэхээр төлөвлөж байгааг Ажлын хэсгийн ахлагч Д.Баярбат танилцуулаад, энэ ажилд дэмжлэг үзүүлж буй Элчин сайдад талархлаа илэрхийлж, хамтран ажиллахад таатай байгаагаа онцлов.
Нар минутад мандаж минутад жаргана.
Үс засуулвал: 
Суудал: 
