Дэлхийн чанарын долоо хоногийг угтан зарласан ажил, мэргэжлийн уралдаанд шалгарсан ажилтнуудад шагнал гардуулах үйл ажиллагаа боллоо. Тус үйл ажиллагааны эхэнд “Эрдэнэт үйлдвэр” ТӨҮГ-ын Ерөнхий инженер Т.Батмөнх, “Экспортын чанар-Итгэмжлэлийн баталгаа” зөвлөгөөнд оролцогчдод баяр хүргэн, амжилт хүслээ. Мөн зөвлөгөөнийг хамтран зохион байгуулагч байгууллагууд болон хамтран ажиллагаа бүхий түнш байгууллагуудын удирдлага, төлөөлөлд дурсгалын цом гардуулан, талархал илэрхийлэв.
Дэлхийн чанарын өдөрт зориулан химийн инженер, лаборатори, шинжилгээний шинжээчдийн дунд ажил мэргэжлийн ур чадварын уралдааныг Эрдэнэт үйлдвэрийн Чанарын хяналтын хэлтсээс зохион байгуулж, шүүгчдийн бүрэлдэхүүнд итгэмжлэгдсэн байгууллагуудын мэргэжилтнүүд ажилласан байна.
Ур чадварын уралдаан эрдэс, нүүрс, нефть, ус зэрэг дөрвөн шинжилгээний төрлөөр явагдсан бөгөөд Эрдэс, түүхий эд, хүдэр баяжмалын бүтээгдэхүүний шинжилгээний төрөлд “Эрдэнэт үйлдвэр” ТӨҮГ-ын Чанарын хяналтын хэлтсийн Химийн төв лабораторийн химийн шинжилгээний шинжээч М.Гарамжав тэргүүн байр, тус хэлтсийн шинжээч Э.Сумъяа дэд байр, Геологийн судалгаа шинжилгээний төвийн шинжээч М.Анардагий гуравдугаар байранд тус тус шалгарчээ. Нүүрсний химийн шинжилгээний төрөлд Чанарын хяналтын хэлтсийн Түлшний лабораторийн шинжээч Э.Хишигням, “CCIC MN HK” компанийн шинжээч У.Имүжин, Х.Тунгалаг нар эхний байруудыг эзэлсэн бол нефтийн бүтээгдэхүүн шинжилгээний төрөлд Текеномикс Монгол ХХК-ийн шинжээч Г.Уянга, шинжээч Б.Чулуунцэцэг, Эрдэнэт үйлдвэрийн Чанарын хяналтын хэлтсийн Шатах, тослох материалын лабораторийн химийн шинжилгээний шинжээч П.Номинчулуун нар уралдаанд тэргүүлэв. Мөн усны химийн шинжилгээний төрөлд Ханлаб ХХК-ийн шинжээч П.Номин аваргалж, Хүнсний аюулгүй байдлын үндэсний лавлагаа лабораторийн шинжээч, Б.Жавзанпагма, шинжээч Б.Марал-Од нар удаах байранд шалгарч, шагналаа гардлаа.
Нар минутад мандаж минутад жаргана.
Үс засуулвал: 
Суудал: 
