Эрдэнэт үйлдвэрийн Дулаан цахилгааны төвийн өргөтгөлөөр баригдаж буй барилга байгууламжуудын газар шорооны ажил дуусчээ. Одоогоор барилгын хана угсрах бэлтгэл ажил хийж байна. Өргөтгөлийн ажлын явцын талаар Дулаан цахилгааны төвийн өргөтгөлийн төслийн зөвлөх Д.Батчулуун: “Ерөнхийдөө өргөтгөлийн барилга байгууламжийн ажил төлөвлөгөөний дагуу амжилттай хийгдэж байна. Өргөтгөлийн хүрээнд баригдаж буй 4 барилгын нэг Эргэлтийн усны насосны станцын барилгын цутгалтын ажил 98 хувьтай байна. Энэ барилга дотор 5 тонны өргөх механизм угсрах, барилгын дээврийн хучилтын бэлтгэл ажлууд хийж байна. Турбин цехийн барилгын цутгалтын ажил бүрэн дууссан. 20/5 тонны гүүрэн кран угсрах бэлтгэл ажил хийж байна. 1-4-р Турбины суурийг бүрэн цутгасан. 110 кВ-ын хаалттай хуваарилах байгууламжийн барилгын хана өрөх ажил 70 хувьтай байна. Хөргөх цамхгийн 3,4,5-р секцийн эх биеийн угсралтын ажил хийж байна. Эргэлтийн усны шугам хоолойн угсралт 99 хувьтай байна. Барилга байгууламжийн гадна талыг 11-р сарын 1-нд битүүлж дуусгах төлөвлөгөөтэй. Одоогоор барилга угсралтын талбай дээр Хятадын 166, Монголын 102 иргэн ажиллаж байна. 110 кВ-ын цахилгаан дамжуулах агаарын шугамын 8 анкерын цутгалтын ажил бүрэн дууссан. Анкер угсрах ажил хийгдэж байна. 510 м-ийн урттай 110 кВ-ын кабелийн газар шорооны ажил дууссан. Зураг төсөл боловсруулах ажил графикийн дагуу амжилттай үргэлжилж байна” гэв.
Я.ЭНХТУЯА
Нар минутад мандаж минутад жаргана.
Үс засуулвал: 
Суудал: 
