Монгол Алтай төв клубээс зохион байгуулсан “Цагаан дэглий- 2016” уулчдын нэгдсэн авиралтанд Эрдэнэт үйлдвэр ХХК-ийн Хангарьд спорт клубын тамирчид оролцжээ. Энэ авиралтанд Завхан, Увс, Улаанбаатарын Монгол нийгэмлэг, Summit , Монгол Алтай төв клуб, Эрдэнэт үйлдвэрийн Хангарьд спортын 40 гаруй тамирчин хамрагдсан байна. Тэд Увс аймгийн Түргэний уулсын салбар Жандарамын оргилд авирсан аж. Энэхүү авиралтын замын хувьд 60-80 градусын налуутай цас мөстэй, ан цав ихтэй, хавцал хэсгээрээ чулуун нурангатай хүнд замаар авиралт хийснээрээ онцлог байв. Багаараа авиралтын үед олсонд хэрхэн орох, нуугдмал ангал болон ил ангалууд тойрох, дээгүүр нь болгоомжтой гарах, багийн гишүүдийг хамгаалах шүрүп зоох, багийн нэг гишүүн гэнэт унахад бусад гишүүд багажаа ашиглан зогсоох, гишүүн бүр авиралтын багажуудаа зөв ашиглах гэх мэт уулчны ур чадвараас суралцсан авиралт болжээ. Хангарьд спорт клубийн гишүүн уулын спортын мастер Р.Түвшинтөр авиралтын хугацаанд бүх замыг тавьж оргилд гарсан байна. Мөн уулын спортын мастер Р. Түвшинбаяр авиралтаа амжилттай гүйцэтгээд оргилоос доош цанаараа буулт хийсэн нь уг спортын түүхэнд нэгэн шинэ алхам болов.
Нар минутад мандаж минутад жаргана.
Үс засуулвал: 
Суудал: 
