БНМАУ-ын Ардын Их Хурлын Тэргүүлэгчдийн дарга, Сайд нарын зөвлөлийн дарга асан, БНМАУ-ын баатар, Хөдөлмөрийн баатар, маршал Юмжаагийн Цэдэнбалын мэндэлсний 100 жилийн ой энэ онд тохиож байна. Энэ түүхэн ойг Эрдэнэтийнхэн 9-р сарын 17-нд тэмдэглэв. Юмжаагийн Цэдэнбал агсны алдар гавьяаг мөнхжүүлж, түүний мэндэлсний 100 жилийн ойг тэмдэглэн өнгөрүүлэх талаар авах зарим арга хэмжээний тухай Улсын Их Хурлын тогтоол, Ой тэмдэглэх тухай Засгийн газрын 333 дугаар тогтоолын хүрээнд дээрх үйл ажиллагааг зохион байгууллаа. Маршал Ю.Цэдэнбалын академийн Орхон аймаг дахь салбар 100 жилийн ойг тэмдэглэн өнгөрүүлэх ажлын хүрээнд 17 ажил төлөвлөснийг баярын хурлын үеэр танилцууллаа. Баярын хуралд ОХУ-аас Эрдэнэт хотод суугаа Ерөнхий консул, Аймгийн ИТХ-ын даргын зөвлөх болон Увс аймгийн Нутгийн зөвлөл, иргэдийн төлөөлөл оролцлоо. Түүнчлэн “Хөдөлмөрийн баатар, Маршал Ю.Цэдэнбал Монгол орныг үйлвэржүүлэх, экспортыг нэмэгдүүлж, валютын нөөцийг өсгөхөд “Эрдэнэт үйлдвэр” чухал ач холбогдолтой хэмээн үзэж, тус үйлдвэрийг байгуулахад онцгой үүрэг гүйцэтгэсэн”-ийг 100 жилийн ойн үеэр онцолж тэмдэглэж байлаа.
Нар минутад мандаж минутад жаргана.
Үс засуулвал: 
Суудал: 
