Эрдэнэт хот, Эрдэнэт үйлдвэрийн их бүтээн байгуулалтанд гар бие оролцож, залуу насаа зориулж явсан анхдагч илгээлтийн эзэд саяхан хэвлэлийн бага хурал зохион байгууллаа. ЗХУ-ын Бүгд найрамдах 15 улсын 172 хотоос ирсэн 43 үндэстэн ястны төлөөлөгч 15 мянга гаруй мэргэжилтэн барилгачид, Монгол улсын 18 аймаг, хотоос 15 үндэстэн ястны 5 мянга гаруй барилгачдын хамтын хөдөлмөрөөр өнөөдрийн Эрдэнэтийн цогцолбор байгуулагдаж, Эрдэнэт хот, “Эрдэнэт” үйлдвэрийн түүх эхэлсэн юм. Эрдэнэтийн их бүтээн байгуулалтад гар бие оролцсон ахмадууд ийнхүү хэвлэлийн бага хурал зохион байгуулж “Ач санах” хандивын аян эхлүүлж байгаагаа зарлав. Хандивын аяны үеэр анхдагчид 40 жилийн түүхэн баримтат кино хийх, олон улсын ахмадын баярыг тэмдэглэх, ЕБС-ийн хүүхдүүдтэй хамтарсан ахмад үеэ хүндэтгэн хайрлая сэдэвт уулзалт ярилцлага хийх, асаргаанд байгаа ахмадуудад дэмжлэг үзүүлэх зэрэг олон үйл ажиллагаа зохион байгуулах юм байна. Илгээлтийн эзэд, Эрдэнтийн анхдагчид энэ аянд аж ахуйн нэгж, албан байгууллага, хувь хүмүүсийг нэгдэхийг уриалж байна.
Нар минутад мандаж минутад жаргана.
Үс засуулвал: 
Суудал: 
