Монгол улсын Хууль зүйн сайдын 2016 оны А/43 тоот тушаалыг хэрэгжүүлэх ажлын хүрээнд аймаг нийслэлийн болон төрөлжсөн төрийн архивын үйл ажиллагаанд явуулсан улсын үзлэгт Эрдэнэт үйлдвэр ХХК-ийн Төрөлжсөн архив “Маш сайн” үнэлгээ авч, төрөлжсөн архивуудаас улсын хэмжээнд 2 дугаар байрт шалгарчээ. Улсын үзлэгт нийт 34 аймаг, нийслэл, төрөлжсөн төрийн архив хамрагдаж, 2016 оны 4-6 дугаар сар хүртэл 2 сарын турш ажил үйлсээрээ уралдсан байна. Монгол улсын Архивын тухай хууль, Төрийн архивын ажлын үндсэн заавар болон бусад холбогдох хууль тогтоомжийн хэрэгжилтийг шалгах, төрийн архивуудын үйл ажиллагааны түвшинг тогтоож дүгнэлт хийх, цаашид авах арга хэмжээний зорилт чиглэлийг тодорхойлж, шийдвэрлүүлэхэд улсын үзлэгийн зорилго оршиж байв.
Эрдэнэт үйлдвэрийн Төрөлжсөн архив нь компанийн түүхэн ач холбогдолтой, үнэт баримт бүхий 64 хөмрөгийн 41196 цаасан суурьтай баримт, 2544 тусгай төрлийн баримтууд хадгалж цех, нэгжүүдийн дунд, архивын сан хөмрөгөө баяжуулах “Түүхээ бичье” уралдаан, компанийн үүсэл, хөгжилд үнэтэй хувь нэмэр оруулсан алдартан, гавьяатуудын хувийн хөмрөг үүсгэх ажил, компанийн түүхэн баримтаас ажилтнууд, иргэдэд сурталчлах “Архивын нээлттэй өдөрлөг” зэргийг амжилттай зохион байгуулж, жилд дунджаар 3800 лавлагаа, хуулбар гаргаж ажилласныг үзлэг шалгалтын ажлын хэсэг сайшаан тэмдэглэсэн байна. Мөн цаашид орчин үеийн шаардлагад нийцсэн тоног төхөөрөмжөөр хангагдсан архивын зориулалтын байртай болох асуудлыг шийдвэрлэх шаардлагатайг улсын үзлэгийн комисс онцолсон байна.
Нар минутад мандаж минутад жаргана.
Үс засуулвал: 
Суудал: 
