Эрдэнэт хот үүсч байгуулагдсаны түүхт 40 жилийн ойн босгон дээр Орхон аймгийн ЗДТГ-аас “40 шилдэг аж ахуйн нэгж”-ийг тодруулжээ. Энэхүү салбар салбарын шилдэг аж ахуйн нэгжийн тэргүүн байранд 20-р зууны манлай бүтээн байгуулалт Эрдэнэт үйлдвэр ХХК шалгарч, өргөмжлөлөө гардан авлаа. Өргөмжлөлийг Орхон аймгийн Засаг дарга бөгөөд Эрдэнэт хотын захирагч Д.Батлут, Эрдэнэт үйлдвэр ХХК-ийн Санхүү, эдийн засаг хариуцсан дэд захирал Ж.Эрдэнэбилэгт гардуулан, баяр хүргэсэн юм. Орон нутгийн түүхий эд, нөөц боломжинд тулгуурласан зах зээлд өрсөлдөх чадвартай, дэвшилтэт технологи бүхий үйлдвэрлэл, үйлчилгээг хөгжүүлж, шинэ ажлын байр нэмэгдүүлэн орон нутгийн хөгжилд өндөр хувь нэмэр оруулж байгаа шилдэг аж ахуйн нэгжүүдийн жагсаалтанд “Эрдмин” ХХК, “Ора металл” ХХК, “Ачит Ихт” ХХК, “Очир төв” ХХК, “Эрд сүлж” ХХК удаалж, газар тариалангийн чиглэлээр “Бүтлийн ундарга” ХХК, худалдаа үйлчилгээний чиглэлээр “ Хүрэнбулаг” ХХК, барилга угсралтын чиглэлээр “Шанхат хүрэн” ХХК , хэвлэл мэдээллийн чиглэлээр “Номин макс” ХХК зэрэг 40 аж ахуйн нэгж шалгарсан байна. Мөн энэ үеэр Эрдэнэт хотын 40 жилийн ойг тохиолдуулан тухайн салбартаа ажил үйлсээрээ шалгарсан тэргүүний ажилтнууд болон Эрдэнэт хотын анхдагчдад салбарын яамны тэргүүний ажилтан болон Орхон аймгийн ИТХ, Засаг даргын нэрэмжит шагналыг аймгийн удирдлагууд гардуулсан юм.
Нар минутад мандаж минутад жаргана.
Үс засуулвал: 
Суудал: 
