Эрдэнэт үйлдвэрийнхэн шагнагдлаа

Эрдэнэт хотын 40 жилийн ойн өдрүүдэд Эрдэнэт үйлдвэр ХХК-ийн ажиллагсдад шагналын хур буулаа.  Өнөөдөр тус үйлдвэрийн удирдлагуудын шуурхай зөвлөгөөний үеэр  уул уурхайн салбарт олон жил үр бүтээлтэй ажиллаж, амжилт гаргасан Эрдэнэт үйлдвэр ХХК-ийн  ажилтнуудыг “Тэргүүний уурхайчин” тэмдгээр  шагнах тухай  Уул уурхайн сайдын 2016 оны 7 сарын 7-ны өдрийн А/79 тоот тушаалыг танилцуулж, шагнагдагсдын төлөөлөл болох  Хүдрийн ил уурхайн экскаваторчин Г.Дэлгэрбат, халуун усны газрын ажилтан С.Нарангэрэл, Авто тээврийн байгууллагын Белазын жолооч Р.Энхтүвшин, гагнуурчин Г.Гантулга, Баяжуулах фабрикийн удирдлагын самбарын оператор З.Мягмарсүрэн, цахилгаан, хийн гагнуурчин Б.Батхуяг,  Үйлдвэрлэлийн хэлтсийн диспетчер Н.Эрдэнэхуяг, ХАБЭА-н хэлтсийн инженер Т.Эрдэнэмөнх нарт цол тэмдгийг гардуулав.  Мөн Баяжуулах фабрикийн Цахилгаан, хийн гагнуурчин Д.Мөнхбатыг Уул уурхайн яамны жуух бичгээр, ХАБЭА-н хэлтсийн дарга Д.Цагаан-Эрдэнэ, АТБ-ын авто-ачигчийн жолооч Ц.Бадамсамбуу , БФ-ийн Хэсгийн дарга Т.Пүрэвдорж, ЗМЗ-ийн хэмжээ тавигч А.Батаа, ЭХ-ний цехийн насосны машинч С.Бадмаараг, ЧХХ-ийн мэргэжилтэн Н.Хандсүрэн, АТБ-ын ажилтан Р.Энхтайван нарыг Эрдэнэт хотын 40 жилийн ойн медалиар шагналаа. Шагнал гардуулах ёслолын үеэр Эрдэнэт үйлдвэр ХХК-ийн Ерөнхий захирлын баталсан “Тамирчид, дасгалжуулагчдыг шагнаж, урамшуулах журам”-ын дагуу Тулгар төрийн 2225, Их Монгол Улсын 810, Ардын Хувьсгалын 95 жилийн ойн баяр наадамд Улсын заан цол хүртсэн Б.Пүрэвсайхан, Улсын мэргэн цол хүртсэн Д.Дэмбэрэлсайхан, шөвгийн наймд шалгарсан Улсын арслан Э.Оюунболд нарт мөнгөн шагнал олгосныг гардуулав. Уг ёслолд Эрдэнэт үйлдвэр ХХК-ийн Тэргүүн дэд захирал Б.Шинэбаатар, Санхүү эдийн засаг хариуцсан дэд захирал Ж.Эрдэнэбилэг, Үйл ажиллагаа хариуцсан дэд захирал Д.Даваасамбуу нар байлцаж, шагнал гардуулан баяр хүргэлээ

.