Эрдэнэт үйлдвэр цех хэлтсүүдийнхээ дунд ажлын цаг ашиглалтыг сайжруулах, хяналтыг идэвхжүүлэх сарын аян зарласан. Энэ үйл ажиллагааны хүрээнд үйлдвэрийн ажиллагсдын ажлын цаг ашиглалт, хөдөлмөр зохион байгуулалтанд онцгой анхаарч байна. Аяны хүрээнд цех, хэлтэс бүр сарын ажил зохион байгуулах ажлын хэсэг байгуулж 7 хоног тутмын үйл ажиллагааны талаарх мэдээллийг даваа гараг бүр тайлагнаж байна. Сарын аяны хүрээнд Эрдэнэт үйлдвэрийн ерөнхий захирлын 6-р сарын 9-ний А/348 дугаар тушаалаар хөдөлмөрийн дотоод журамд нэмэлт өөрчлөлт оруулсан байна. Энэ тушаалаар Эрдэнэт үйлдвэрийн ажиллагсад үйлдвэрийн бүсэд болон ажлын байрандаа ирж буцахдаа компанийн тээврийн хэрэгслээр зорчих тухай заалтыг үйлдвэрийн хөдөлмөрийн дотоод журамд нэмж тусгажээ. Сарын аян 7-р сарын 1 хүртэл үргэлжлэх бөгөөд энэ хугацаанд үйлдвэрийн ерөнхий захиргааны цех, хэлтсүүдэд ажлын байрны зураг авалт хийж ажлын цаг ашиглалтыг нэмэгдүүлэхэд анхааран ажиллах юм. Хөдөлмөрийн дотоод журамд орсон нэмэлт заалтыг ажилтнуудад танилцуулах, хэрэгжүүлэх ажлыг 7-р сарын 1-ний дотор зохион байгуулахыг цех хэлтсийн удирдлагуудад үүрэг болгожээ.
Нар минутад мандаж минутад жаргана.
Үс засуулвал: 
Суудал: 
