ХАБЭА, галын аюулгүй байдлын 4-р шатны иж бүрэн шалгалтын комисс Эрдэнэт үйлдвэрийн үйлдвэрлэлийн үндсэн цехүүдийн нэг болох Ил уурхайд энэ сарын 8-9-ний өдрүүдэд ажилласан байна. ХАБЭАБОХХ-ээс зохион байгуулдаг энэхүү үзлэгийн комисс нь компанийн 20 гаруй цех, хэлтсийн төлөөллийн бүрэлдэхүүнтэй бөгөөд хөдөлмөрийн аюулгүй байдал, эрүүл ахуйн бүхий л шаардлага, стандартыг тогтоох үндсэн үүрэгтэй явагддаг. Шалгалтын ерөнхий дүнгээр Ил уурхай “хангалтай” үнэлгээ авсан хэдий ч шалгалтын явцад хэд хэдэн зөрчил дутагдал илэрсэн байна.
ХАБЭА-н 4 дүгээр шатны үзлэгийн комиссынхон Ил уурхайд хийсэн шалгалтын явцдаа цехийн ажиллагсдын эрүүл ахуйн байдалд онцгой анхаарч, тэдний халуун хоол болон ариун цэвэр хамгааллын талаар хэд хэдэн үүрэг даалгаврыг өгчээ. Тухайлбал, карьерын өрөм, экскаватор, тэсэлгээний хэсэг тус бүрт цайны халуун саваар хангах, Ил уурхайн засварын хэсэгт байрлах хоол үйлдвэрлэл үйллчилгээний хэсэгт стандарт шаардлага хангасан бүрэн засвар оруулах, уурхайн агуулахын душ, коридор, хоол порцлолт, ажиллагсдын хооллох танхим зэрэгт урсгал засвар оруулах, агааржуулагч суурилуулах зэрэг арга хэмжээг шаардлааганд тавигдсанд хугацаанд авч хэрэгжүүлэхийг даалгасан байна.
Нар минутад мандаж минутад жаргана.
Үс засуулвал: 
Суудал: 
