Эрдэнэт үйлдвэр ХХК-ийн нэрэмжит Монголын хоккейн холбооны лигийн аварга шалгаруулах шигшээ тоглолт Орхон аймагт зохион байгуулагдаж, 4 багийн тамирчид хурд хүч авхаалж самбаагаа уралдууллаа. Аварга шалгаруулах тэмцээний шувтаргын тоглолтонд Эрдэнэт үйлдвэр ХХК болон Монголын Хоккейн холбооны удирдлагууд оролцож, тамирчдад баяр хүргэв. Тэмцээнд Эрдэнэт үйлдвэр ХХК-ийн “Хангарьд” баг, “Бластик” компанийн “Бластик”, “Шарын гол”, “Багануур”-ын баг тамирчид амжилттай оролцож, өрсөлдсөн байна. Монголын Хоккейн холбооны лигийн аварга шалгаруулах тэмцээний нэгдүгээр ээлж Багануур компанийн нэрэмжит болж, Улаанбаатар хотноо 12 сард зохион байгуулагдсан бол 2-р ээлж “Бластик” компанийн нэрэмжит болж, харин финалын тоглолтыг Эрдэнэт үйлдвэр ХХК-ийн нэрэмжит болгон Орхон аймагт зохион байгууллаа. Эрдэнэт үйлдвэр ХХК-ийн нэрэмжит Монголын Хоккейн холбооны лигийн аварга шалгаруулах шигшээ тоглолтонд “Шарын гол” баг тэргүүлж, Хангарьд баг удааллаа. Шигшээ тоглолтын шагнал гардуулах ёслолын үйл ажиллагааны үеэр аваргын төлөө тоглосон багуудын шилдэг тамирчдыг тодруулав. Тэдгээр тамирчид Эрдэнэт хотод бэлтгэлээ хангаж, 10 хоногийн дараа Азийн өвлийн наадамд Монгол улсаа төлөөлөн оролцоно. Шагнал гардуулах үйл ажиллагаанд Эрдэнэт үйлдвэр ХХК-ийн Үйл ажиллагаа хариуцсан дэд захирал бөгөөд Ерөнхий инженер, Монголын Хоккейн холбооны тэргүүлэгч Д.Даваасамбуу, Монголын үндэсний олимпийн хорооны гишүүн, гавьяат дасгалжуулагч Д.Баясгалан болон Эрдэнэт үйлдвэр ХХК-ийн цех хэлтсийн удирдлагууд хүрэлцэн ирж, хоккейчдод хүндэтгэл үзүүллээ.
Нар минутад мандаж минутад жаргана.
Үс засуулвал: 
Суудал: 
