ЭрдСүлж компани өнгөрсөн 7 хоногоос баяжмалын уут үйлдвэрлэж эхэллээ. Тус компани нөөц бололцоогоо ашиглан тусгай зориулалттай оёдлын 15 машин суурилуулан, тусдаа цех ажиллуулж байна. Уг цех бэлдцээ Улаанбаатар хотод үйл ажиллагаа явуулдаг үндэсний үйлдвэрээс авч байгаа аж. 2-р сарын сүүлч гэхэд 1500 шуудай нийлүүлэх зорилготой ажиллаж байна. Одоогоор энэ цех сард 7-8 мянган шуудай үйлдвэрлэх хүчин чадалтай. Цаашид оёдлын машины тоог нэмэгдүүлсээр оны төгсгөлд 40 оёдлын машинтайгаар үйл ажиллагаа явуулах зорилго тавин ажиллаж байна. Ингэснээр жилд 200 орчим мянган баяжмалын уут үйлдвэрлэн Эрдэнэт үйлдвэрийн хэрэгцээний 90 шахам хувийг хангах юм байна. Эрдэнэтэд баяжмалын уут нийлүүлж байсан Улаанбаатар хотод үйл ажиллагаа явуулдаг үйлдвэр кластерын хэлбэрээр хөгжих санал гаргасан байна. Тэд бэлдцээ нийлүүлж, ЭрдСүлж компани үйлдвэрлэн, Эрдэнэт үйлдвэрт нийлүүлэхээр зорин ажиллаж байгаа ажээ. Одоогоор Эрдэнэт үйлдвэртэй бүтээгдэхүүн нийлүүлэх гэрээ байгуулаагүй бөгөөд баяжмалын уутны даац, чанарыг турших зорилгоор 1000-2000 шуудай авахаар болсон байна. Эрдэнэт үйлдвэр сард баяжмалын 20-21 мянган уут хэрэглэдэг ажээ.
Нар минутад мандаж минутад жаргана.
Үс засуулвал: 
Суудал: 
