Эрдэнэт үйлдвэр ХХК-ийн Засвар механикийн заводын Металл хийцийн хэсгийн хамт олон “Liebherr”-994 экскаваторын 18м кубын багтаамжтай шанагыг иж бүрнээр нь үйлдвэрлэж байна.
Тус хамт олон “Liebherr”экскаваторын шанагыг хэсэгчлэн засварлаж, эд ангиудыг нь хийдэг байсан бол анх удаа бүтнээр нь хийх ажлыг эхэлжээ. Өөрөөр хэлбэл, 2012 оноос “Liebherr”-ийншанаганы 60-70 хувийг нь сэргээн засварлаж, бусад хуучин эд ангиудтай холбодог байсан бол тус хэсгийн инженер техникийн ажилчдын бүтээлч санаачлагаар өнөөдөр 100 хувь иж бүрнээр нь өөрсдөө хийж үйлдвэрлэж байгаа юм.
Ил уурхайд өнөөдрийн байдлаар 4 “Liebherr”экскаватор ажиллаж байна. Эдгээрийн шанага, гинж болон бусад жижиг эд ангиудыг ч Засвар механикийн заводод үйлдвэрлэдэг. Ингэснээр гадаадаас өндөр үнэтэй авдаг бүтээгдэхүүнийг хямд үнээр дотооддоо үйлдвэрлэх боломжийг бүрдүүлсэн юм. Бүтээгдэхүүний чанарын ямар нэгэн доголдол гаргахгүй байх үүднээс зураг төслийн дагуу зориулалтын эд материалаар хийж байгаа бөгөөд ирэх 2-р сарын 20 гэхэд хүлээлгэн өгөхөөр ажиллаж байна.
Нар минутад мандаж минутад жаргана.
Үс засуулвал: 
Суудал: 
