Баяжуулах үйлдвэрийн хамт олон шинэ оны ажлаа өндөр бүтээмжтэйгээр эхлүүлээд байна. Он гарсаар тус цехийн Нунтаглан баяжуулах хэсгийн 3,7-р тээрмүүд дээр урсгал засварын ажлыг гүйцэтгэж, залгахад бэлэн болжээ. Мөн 5-р тээрэм болон өөрөө нунтаглах хэсгийн 1, 2, 3-р шугамуудад урсгал засварын томоохон ажлыг хийхээр төлөвлөн ажиллаж байна. Үүнтэй холбоотойгоор Нунтаглан баяжуулах хэсгийн флотацийн нэг секц дээр засвар хийгдэх аж. 2017 онд Баяжуулах үйлдвэр молибдений 1-р шугамыг бүрэн шинэчлэх, гүйцээн нунтаглалтын 24-р тээрэм, урвалжийн хэсгийн шохойн сүүний тээрмийг солих зэрэг чухал ажлуудыг гүйцэтгэхээр төлөвлөсөн байна. Төлөвлөгөөний дагуу бэлтгэл хангах ажлууд шат дараатай хийгдэж эхэлснийг үйлдвэрлэл хариуцсан тэргүүлэх инженер Б.Намуунгэрэл ярилаа. Өнгөрсөн онд тус цехийнхэн Хаягдлын аж ахуйн 7-р насосыг өөрсдийн дотоод нөөц хүчээр угсарч, тохируулгын ажлыг гүйцэтгэсэн юм. 2017 онд өмнөх ололт амжилтаа бататгаж, нөөц боломжоо ашиглан, өртөг зардлыг бууруулах зорилт дэвшүүлэн ажиллаж байгаа аж.
Нар минутад мандаж минутад жаргана.
Үс засуулвал: 
Суудал: 
