Хоол үйлдвэрлэл, үйлчилгээний “Од Дөл” ХХК-ийн “Энержи катеринг”-ийн хамт олон Эрдэнэт үйлдвэр ХХК-ийн Ил уурхайн 700 гаруй ажиллагсдад 3 дахь жилдээ халуун хоолоор үйлчилж байна. Тус компани Монгол улсын Стандарт, Хэмжил зүйн газраас олгодог Үндэсний тохирлын тэмдэг хэрэглэх эрхийн гэрчилгээг саяхан гардан авчээ. Уг гэрчилгээг хоолны эрүүл ахуй болон чанарын MNS 4946:2005, 2011 стандартыг нэвтрүүлж, катерингийн үйлчилгээний бүхий л шаардлагыг 100 хувь хангасан хамт олонд олгодог аж. Катерингийн үйлчилгээ гэдэг нь тухайн ажлын байрны нөхцөлд эрүүл ахуйн шаардлага хангасан зөөврийн халуун хоол хүргэх үйлчилгээ юм.
“Энержи катеринг”-ийн хамт олон уурхайн ажиллагсдын ажлын онцлог, нөхцөлд тохируулан хоолны амт, чанар, орц найрлагыг нь цаг ямагт шинэчлэн, ажиллагсдын санал хүсэлтийн дагуу хоол үйлдвэрлэлийн үйл ажиллагаагаа эрхэлж байна. Тухайлбал, тус компани ажиллагсдын хоолны цэсэнд “Ногоон цайны талх” нэртэй шинэ бүтээгдэхүүнийг нэмж, ногоон цайгаар дамжуулан ажилчид эрүүл хооллох хэв маягт суралцах, зөв зохистой хооллолтын талаарх мэдлэгээ дээшлүүлэхэд нь чиглэсэн хөтөлбөр хэрэгжүүлж эхэлжээ. Дашрамд дурьдахад, тус компанийн ерөнхий тогоочоор Монгол улсын Зөвлөх инженер А.Цэрэнчимэг ажилладаг аж. Тэрээр хоол үйлдвэрлэлийн салбарт 33 дахь жилдээ тогоочоор ажиллаж байгаа бөгөөд “Уурхайн ажиллагсдын хоол үйлдвэрлэл, үйлчилгээ” сэдвээр Зөвлөх инженерийн мэргэжлийн зэрэг хамгаалжээ.
Нар минутад мандаж минутад жаргана.
Үс засуулвал: 
Суудал: 
