“Эрүүл мэнд-2016” уралдааны шилдгээр Холбоо мэдээлэл, технологи автоматжуулалтын цех шалгарлаа

Эрдэнэт үйлдвэрт ажиллагсдын эрүүл мэндийн мэдлэг мэдээллийг дээшлүүлэх зорилгоор Уурхайчин соёлын ордон, Эрдэнэт сувилал цогцолбор, ХАБЭАБОХ Хэлтсээс хамтран зохион байгуулсан “Эрүүл мэнд-2016” уралдааны шилдгүүд тодров. Нийт 21 хоногийн турш үйлдвэрийн цех нэгжүүдийн дунд явагдсан тус уралдаан Эрүүл хүнс, Хөдөлгөөн эрүүл мэнд, Эрүүл мэнд гэсэн 3 ангиллаар дүнгээ гаргаж, тус бүртээ шилдэг номинациудын эздийг шалгаруулсан байна.

“Эрүүл хүнс-2016” уралдааны шилдгээр Б.Хүрэлбаатар даргатай Төслийн менежментийн алба, Д.Мөнхбаатар даргатай Авто тээврийн байгууллага, Д.Эрдэнэцогт даргатай Баяжуулах үйлдвэр шалгарсан бол уг ангиллын тэргүүн байрын цомыг Ж.Ганчимэг даргатай Эмнэлэг сувиллын цогцолборын хамт олон хүртлээ. Хөдөлгөөн эрүүл мэнд уралдаанд Б.Туяа даргатай Үйлчилгээ аж ахуйн алба, Авто тээврийн байгууллагын ажилтан Б.Содгэрэл, Баяжуулах үйлдвэрийн ажилтан Т.Эрдэнэбат нар эхний байруудыг эзэлж, цомын эзнээр Б.Баасансүрэн даргатай Засвар механикийн заводын хамт олон тодорчээ. “Эрүүл мэнд-2016 шилдэг илтгэл” номинацид Цахилгаан цехийн ажилтан Б.Отгонбаярын “Эрүүл мэндийг дэмжихэд миний оролцоо”, Засвар монтажийн цехийн ажилтан Б.Туяажаргалын “Эрүүл мэндийг дэмжихэд байгууллагын удирдлагын хамтын ажиллагаа”, Орон сууцны хэсгийн дарга М.Болдбаатарын “Шилдэг удирдагч ба манлайлагч хамт олон” сэдэвт илтгэлүүд шалгарч, “Шилдэг хөгжөөн дэмжигч” болон “Шилдэг урлагийн тоглолт”-той баг хамт олны шагналыг Засвар механикийн завод, Тээвэр ложистикийн алба тус тус хүртэв.

“Эрүүл мэнд-2016” уралдааны шилдгийн шилдэг буюу багийн нийлбэр дүнгээр тэргүүн байранд Г.Жаргалсайхан даргатай Холбоо мэдээлэл, технологи автоматжуулалтын цехийн хамт олон шалгарч, “Болор цом”-ын эзэн болсон байна. Дэд байранд Д.Баяраа даргатай Засвар монтажийн цех шалгарч, гутгаар байрын шагналыг С.Эрдэнэбат захиралтай Технологийн сургуулийн хамт олон гардан авчээ. Уралдааны шилдгүүдийн шагналыг Эрдэнэт үйлдвэр ХХК-ийн Ерөнхий захирал Х.Бадамсүрэн, Үйл ажиллагаа хариуцсан дэд захирал Д.Даваасамбуу, Захиргаа, хүний нөөцийн хэлтсийн дарга О.Хонгор, ХАБЭАБОХХ-ийн дарга Д.Цагаан-Эрдэнэ нарын удирдлагууд гардуулан өгч, эрүүл ажиллаж амьдрах хэв маягт суралцах, зөв хэвшил тогтоох мэдлэгээрээ бусдыгаа хошуучилсан хамт олон, ажилтнуудад баяр хүргэж, амжилт хүслээ.