Баяжуулах фабрикийн Цахилгаан хөтлүүр автоматикийн хэсгийн Д.Оюунцэцэг ахлагчтай “Хувиргагч” БЧД-ийн хамт олон Цахилгаанчдын ажил мэргэжлийн уралдаан санаачлан Баяжуулах фабрикийн Сургалтын алба, Технологийн сургуулийн Мэргэжлийн сургалтын төвтэй хамтран зохион байгуулав. Мэргэжлийн зэрэг ахиулах болзолтой, 3 шатны шалгаруулалттай уг уралдаанд 120 гаруй цахилгаанчин, цахилгааны засварчин мэргэжлийн мэдлэг, ур чадвараа сорьсноос 5 цахилгаанчин шалгарчээ. Хаягдлын аж ахуйн Д.Батсуурь, Х.Энхбат, Шүүн хатаах хэсгийн С.Хатанбаатар нар 6-р зэрэг, Нунтаглан баяжуулах хэсгийн Э.Очироо, Шүүн хатаах хэсгийн Г.Манлай нар 4-р зэрэгтэй боллоо. Уралдаанд оролцогчдын онолын мэдлэгийг тестээр, мэргэжлийн ур чадвар, аюулгүй ажиллагаа, бүтээлч ажлын чанарыг ажлын байранд нь шалгаж, төгсгөлд нь Технологийн сургуулийн цахилгаан машины лабораторит ажиллуулж шалгаруулжээ. Ажилд ороод хэдхэн сар болж буй ч өндөр шалгуур даван 4-р зэрэгтэй болсон 2 залууг сайн цахилгаанчид болох ирээдүйтэй гэж мэргэжилтнүүд онцоллоо. Ийнхүү цахилгаанчны чадвар, чадамж, мэдлэгийг харгалзан мэргэжлийн зэрэг олгосон өвөрмөц төслийг “Хувиргагч” дугуйлангийнхан хэрэгжүүллээ.
Нар минутад мандаж минутад жаргана.
Үс засуулвал: 
Суудал: 
