Эрдэнэт үйлдвэр ХХК-ийн үйлдвэрлэлийн туслах цехүүдийн нэг Засвар монтажийн цехийн 25 жилийн ой энэ 11 сард тохиож байна. Тус цехийн хамт олон 25 жилийн ойгоо 2016 оны төлөвлөгөөт үзүүлэлтээ бүрэн биелүүлсэн амжилтаар угтжээ.
Тухайлбал, тус цехийнхэн өнгөрсөн 2015 онд ашиглалтанд орсон Баяжуулах үйлдвэрийн өргөтгөлийн нунтаглан баяжуулах хэсгийн дутуу үлдсэн зарим угсралтын ажлуудыг гүйцээж дуусгасан байна. Ингэснээр тус өргөтгөлийн шугам нь бие даан ажиллах боломж бүрдэж байгаа байгаа аж. Мөн Ган бөөрөнцөг цувих цех дээр нүүрс ангилах зориулалт бүхий Хятад улсад үйлдвэрлэсэн тоног төхөөрөмжийг суурилуулсан байна. Энэ ажлын хүрээнд цахилгаан монтаж, металл хийцийн угсралтыг иж бүрнээр нь гүйцэтгэж, хүлээлгэн өгчээ.
Түүнчлэн Засвар механикийн завод дээр шинээр байгуулж буй конвейрийн ролик хийх цехийн тоног төхөөрөмжийн угсралтын ажлыг гүйцэтгэсэн байна. Тус цехийн захиргаа үйлдвэрлэлийн үндсэн ажлын зэрэгцээгээр ажиллагсдын чөлөөт цагийг үр дүнтэй өнгөрөөх чиглэлээр олон төрлийн үйл ажиллагааг зохион байгуулсан байна. Спорт, соёл урлагийн уламжлалт тэмцээн уралдаан, шинэ залуу ажилтнуудыг дадлагажуулж, туршлага судлуулах зэрэг олон хөтөлбөрүүд үр дүнгээ өгсөн сайхан ажил болсныг цехийн удирдлага онцоллоо.
Нар минутад мандаж минутад жаргана.
Үс засуулвал: 
Суудал: 
