Эрдэнэт үйлдвэр ХХК-ийн Ерөнхий захирлын тушаалын дагуу 2016 оны 4-р сарын 1-ний өдрөөс 11-р сарын 1-ний өдрийг хүртэл үйлдвэрийн нийт цех нэгжүүдийн дунд зарласан “Эко орчин-2016” уралдаан дүнгээ гаргаж, шилдгүүдээ тодрууллаа. Уралдаанд бусдыгаа манлайлан, байгаль эх дэлхийгээ хамгаалах үйлсэд санаачлагатай, идэвхтэй оролцсон шилдгүүдийн шагналыг гардуулах ёслол “Оюу” танхимд болов. Ёслолын ажиллагаанд Эрдэнэт үйлдвэр ХХК-ийн Санхүү, эдийн засаг хариуцсан дэд захирал Ж.Эрдэнэбилэг, Хөгжлийн бодлогын газрын дарга Д.Нэмэхбаяр, ХАБЭАБОХХ-ийн дарга Д.Цагаан-Эрдэнэ болон цех хэлтсийн удирдлага, байгаль орчин хариуцсан мэргэжилтнүүд оролцсон юм.
“Эко орчин-2016” уралдааны үндсэн зорилго нь уул уурхайн сөрөг нөлөөллийг багасгахад бид хэрхэн оролцох вэ, хүрээлэн буй байгаль орчноо хамгаалж, унаган төрхөөр нь авч үлдэхэд бид юу хийж чадах вэ гэдгийг тодорхойлж, байгалийн нөхөн сэргээлтийг тогтвортой хийж хэвшүүлэхэд чиглэгдсэн гэдгийг уралдааныг зохион байгуулах комиссын дарга, ХАБЭАБОХХ-ийн Байгаль орчин хариуцсан орлогч О.Эрдэнэтуяа уг үйл ажиллагааны эхэнд онцлов. Тус уралдаан нь Эрдэнэт үйлдвэрийн нийт цех нэгжүүдийг хамруулж, орчны талбайд мод тарих, “Ногоон төгөл” төслийн хүрээнд гаргасан санаачлага, гадна талбайн зүлэгжүүлэлт, тохижилт, хог хаягдал ангилан ялгаж, төрөлжүүлэх, хоёрдогч түүхий эд ашиглан бүтээл хийх, Хангал голын цэвэрлэгээ, эко алхалт зэрэг олон шалгуур үзүүлэлтийн биелэлтийг дүгнэсэн байна. Уралдааны явцад үйлдвэрийн бүтэц нэгжүүд өөрсдийн харьяа нутаг дэвсгэрт 10 төрлийн 6688 ширхэг мод тарьж, 15507 ширхэг цэцгийн мандал тарьж ургуулсан нь тус үйл ажиллагааны нэг үр дүн гэдгийг зохион байгуулагчид хэллээ.
“Эко орчин-2016” уралдаан шилдгүүдээ 3 бүлгээр шалгаруулсан байна. Эхний бүлэг буюу үндсэн цехүүдийн шалгаруулалтанд Хүдрийн ил уурхай, Авто тээврийн байгууллага, Засвар механикийн заводын хамт олон тэргүүн байруудад шалгарсан бол удаах бүлэг буюу туслах цехүүдийн шалгаруулалтыг Холбоо мэдээлэл, техник автоматжуулалтын цех, Тээвэр ложистикийн алба, Барилга засварын цехийн хамт олон тус тус манлайллаа. 800,000 төгрөгийн урамшууллыг гардав. Уралдааны 3-р бүлэг буюу нийгмийн цехүүдийн шалгаруулалтыг Үйлчилгээ, аж ахуйн алба, Эрд сүлж компани, Сэлэнгэ амралтын баазын хамт олон тэргүүлж, “Эко орчин-2016” уралдааны шилдэг болов. Уралдааны тэргүүн байрны эзэд тус бүр 1000000 төгрөгийн, дэд байрын шагналтнууд тус бүр 800000 төгрөгийн, 3-р байранд шалгарагсад тус бүр 600000 төгрөгийн шагнал хүртэв. Мөн энэ үеэр “Эко орчин-2016” уралдааныг зохион байгуулахад идэвх зүтгэлтэй оролцсон компанийн нэр бүхий ажилтныг мөнгөн шагналаар урамшуулсан юм.
Нар минутад мандаж минутад жаргана.
Үс засуулвал: 
Суудал: 
