Ардчилсан хувьсгалын 25 жилийн ойн баярын хурал, хүндэтгэлийн үйл ажиллагаанд Орхон аймаг, “Эрдэнэт” үйлдвэрийн удирдлагууд, Орхон аймгийн Ардчилсан нам, Ардчилсан холбооны гишүүд, дэмжигчид хүрэлцэн ирлээ. “Уурхайчин” соёлын ордны нэг давхарт ардчиллын он цагийн түүхийг харуулсан гэрэл зургаар үзэсгэлэн гаргасан байна. Баярын хурлын эхэнд аймаг, орон нутгийн удирдлагууд ардчиллын үйл хэрэгт хүчин зүтгэж явсан ахмадууд, гишүүддээ баяр хүргэж, 25 жилийн ойн түүхэн баримтат киног толилуулав. Хүндэтгэлийн концертыг “Хонх” хамтлагийн дуучин Н.Энхбаяр “Хонхны дуу”, “Бидний араншин” дуугаар эхлүүлэхэд танхим дүүрэн үзэгчид гар гараа барилцан, хамтдаа дуулцгаасан. Дуу бүжгийн “Эрдэнэт” чуулга, Хүүхэд залуучуудын театрын уран бүтээлчдийн хамтарсан “Монгол бахархал” хүндэтгэлийн концерт хүн бүрийн зүрх сэтгэлд омогшил төрүүлэм сайхан тоглолт байлаа. Эх орон, ард түмнийхээ сайн сайхан ирээдүйн төлөө ардчилсан хүнлэг энэрэнгүй нийгмийг хүсч мөрөөдөж, зүтгэж явсан “залуус”, өнөөгийн хүндэт партизанууд Монгол оронд өрнөсөн Ардчилсан хувьсгалыг Эрдэнэт хотноо анх эхлүүлсэн 1989 оны 12 дугаар сарын гуравны ням гаригийн цас бударсан өвлийн эхэн сарын тэр нэгэн өдрийг дурсан санаж, ойн баяраа өргөн дэлгэр тэмдэглэлээ.
Нар минутад мандаж минутад жаргана.
Үс засуулвал: 
Суудал: 
