БФ-ийн Өөрөө нунтаглах хэсгийн Өргөтгөлийн ажил хариуцсан хяналтын инженер Ч.Хулбаатараас ажлын явцын талаар тодрууллаа.
-Өөрөө нунтаглах хэсгийн барилгын ажил дуусах шатандаа явж байна. “Тунамал үйлс” компани барилга, сантехник, агааржуулалт, цахилгааны угсралтын ажил гүйцэтгэж байгаа. “Очир төв” компани корпусын өргөтгөлийн ажлыг хийж дууслаа. “РИВС” компани том бутлалтын хүдрийн агуулга угсрах ажил хийж байна. Барилга засварын цех барилгын суурь, баганын цутгалтын ажил хийлээ. “Бүтээл” компани хүдрийн агуулгын тэжээгүүрийн угсралтын ажил гүйцэтгэсэн. “Тосомо” компани 1, 2, 3-р конвейрийн угсралтын ажлыг хийх юм. Одоо тоног төхөөрөмжөө буулгаж, бэлтгэл ажлаа хангаж байна. Хятадын “Найпу” компани тоног төхөөрөмжийн угсралтын ажлыг гүйцэтгэх юм. Тоног төхөөрөмжийн угсралтын ажил эхлээд явж байна.
-Хэрэгцээтэй тоног төхөөрөмжүүд бүгд ирсэн үү? Өөрөө нунтаглах хэсгийн тоног төхөөрөмжийг хэдэн сард ашиглалтанд хүлээлгэн өгөх вэ?
-Тоног төхөөрөмжүүдээ бүгдийг нь авчраад гадна талбайд байрлуулсан. Дотор цэвэрлэгээ хийж байна. Ажил төлөвлөгөөний дагуу жигд явж байна. Энэ оны 5-р сард Баяжуулах фабрикийн Өөрөө нунтаглах хэсгийн өргөтгөлийн ажлыг ашиглалтанд бүрэн хүлээлгэн өгнө.
Манай хэсэг 5 сая 210 мянган тонн хүдэр боловсруулах хүчин чадалтай ажилласан. Ер нь нэмэгдэл секц тавьснаар хүчин чадал 6 сая тонноор нэмэгдэх юм. Өнгөрсөн оны төлөвлөгөөгөө давуулан биелүүлсэн. Одоогоор манай хэсэг 106 ажилтантай үйл ажиллагаа явуулж байна. 2016 оноос жилд 12 мянган тонн хүдэр боловсруулах хүчин чадалтай ажиллах юм.
Цаашид Баяжуулах фабрик жилд 31 сая 150 мянган тонн хүдэр боловсруулах хүчин чадалтай ажиллана.
-Өнгөрөгч онд танай хэсгийн 25 жилийн ой тохиосон. Ойгоо угтсан ямар бүтээлч ажил хийв?
- 5 сайн үйлсийг ажлын байран дээр хэрэгжүүлсэн. Хөдөлмөрийн аюулгүй ажиллах зорилт тавьж, бүтээмж чанарын дугуйлан хичээллэсэн нь үр дүнд хүрсэн.
Нар минутад мандаж минутад жаргана.
Үс засуулвал: 
Суудал: 
