Эрдэнэт үйлдвэр санаачлан Монголын Сэтгүүлчдийн нэгдсэн эвлэлтэй хамтран Нийгэмд тустай сайн мэдээ түгээх аяныг эхлүүллээ. Энэхүү аяны нээлт Улаанбаатар хотод 5-р сарын 2-нд болсон бол Эрдэнэт хотод Дэлхийн Хэвлэлийн эрх чөлөөний өдөр буюу 5-р сарын 3-нд Эрдэнэт үйлдвэрийн Сүлд танхимд боллоо. Уг үйл ажиллагаанд Эрдэнэт үйлдвэрийн удирдлагууд, орон нутгийн хэвлэл мэдээллийн байгууллагын ажилтнууд оролцлоо. Уг аянаар сайн мэдээ түгээх соёлыг хэвшүүлэх, гэгээрүүлэх үйлсэд хэвлэл мэдээлэл, сэтгүүл зүйн салбарынхныг идэвхжүүлэхээр зорьсон байна. Нөгөөтэйгүүр компанийн нийгмийн хариуцлагыг дээшлүүлэх талаар бусад байгууллагад үлгэр дуурайл үзүүлэх аж. Аян 8 сар үргэлжлэх бөгөөд, сар бүр шилдэг мэдээг шалгаруулан шагнал урамшуулал олгох юм байна.