Ерөнхий захирлын А/139 дүгээр тушаалын дагуу Эрдэнэт хот байгуулагдсаны 40 жилийн ойг тохиолдуулан үйлдвэрийн хэмжээнд цехийн “Шагналтнуудаа алдаршуулъя” сэдэвт үйл ажиллагаа явагдаж байна. Холбоо мэдээллийн технологи ба автоматжуулалтын цехийн удирдлагууд ахмадуудаа саяхан хүлээн авч дурсгалын зураг татуулж, ярилцлага хийв.Тус цехийнхэн “Шагналтнуудаа алдаршуулья” үйл ажилгааны хүрээнд дараах ажлыг гүйцэтгээд байна. Үүнд:
-ХНМ Б.Оюунчимэг, Программ хангамжийн инженер О.Ганбаттай нар хамтран цехийн ВЭБ сайтыг шинэчлэн алдартнуудын булан нээв.
-ЦАХИМ сонины II улирлын дугаарт алдартнуудын уулзалтын тухай мэдээлэл нийтлэв.
-Цехийн ажилтнуудын 3 үеийн уулзалт өдөрлөгийг Уурхайчин соёлын ордонд зохион байгуулав.
-Алдартнуудын зурагт самбар, цехийн сонин, алдартнуудад зориулсан элэглэл, цехийн ажилтнуудын Бүтээмжийн ололт 8 амжилтыг харуулсан үзэсгэлэн гаргав.
-Алдартнуудын улаан хивсний ёслолын үеэр тэдний бүтээлч ажил, гавьяа шагналыг залууст сурталчлав.
-ХНМ Б.Оюунчимэг,системийн эрхлэгч Б.Гансэрээтэр, программ хангамжийн инженер П.Дагва нарын хамтран бүтээсэн “Шагналтнуудаа алдаршуулъя” баримтат кино үзүүлэв. Мөн алдартнуудын уулзалтын үеэр Монгол улсын Соёлын гавьяат зүтгэлтэн Д.Дашдондов, Техникийн шинжлэх ухааны доктор Л.Дэлгэрбат, цехийн даргаар он удаан жил үр бүтээлтэй ажиллаж автоматжуулалт, мэдээллийн технологийн хөгжилд үнэтэй хувь нэмэр оруулсан RNJ компанийн захирал Т.Ринчинжүгдэр нар залууст өөрсдийн үеийнх-ний хийж бүтээсэн ажлаас ярьж зөвлөлгөө өглөө. Яруу найрагч Д.Дашдондов шинэхэн уран бүтээлээсээ уншиж сонирхуулсан бол доктор Л.Дэлгэрбат цехийнхээ хамт олонд ажлын амжилт хүсэж “Эрдэнэтийн овооны зураг” /хөндөгдөөгүй үеийн /бэлэглэв. Залуу ажилтан Б.Цэвэгжав алдартнууддаа баяр хүргэн үг хэлж, Уурхайчин соёлын ордны уран бүтээлчид Хүндэтгэлийн концерт тоглосон. Төгсгөлд нь цехийнхээ алдартнуудад бэлэг дурсгалын зүйл гардуулснаар энэ үйл ажиллагаа өндөрлөлөө.