Эрдэнэт үйлдвэр ХХК-д 2016 оны 3-р сард ХАБЭА-н чиглэлээр хийсэн ажлын үр дүнг хэлэлцэх ээлжит зөвлөлгөөн үйлдвэрийн захиргааны I-р байранд саяхан боллоо. Зөвлөлгөөнд компанийн цех, нэгжийн ХАБЭА-н асуудал хариуцсан ажилтнууд оролцов. ХАБ-ын урьдчилан сэргийлэх ажил, 2016 оны 3-р сард ажлын байранд хийсэн үйлдвэрлэлийн сөрөг хүчин зүйлийн хэмжилтийн үр дүн, халуун хоол, хор саармагжуулах бүтээгдэхүүний хяналт, МХЕГазар, аймгийн МХГ-тай хамтран явуулсан шалгалтаар илэрсэн зөрчил дутагдлыг арилгах, ажлын төлөвлөгөөний биелэлтийг хангах чиглэлээр тус тус мэдээлэл хийв. Тус зөвлөлгөөнөөс дараах ажлыг хэрэгжүүлэх шийдвэр гаргав. Үүнд:
-“Ажлын байрны хөдөлмөрийн эрүүл мэндийг сайжруулах” уриан дор явагдах сарын аяны хүрээнд эрүүл аюулгүй ажлын байр бий болгох, ажилтны эрүүл мэндийг хамгаалах, МШӨ-өөс урьдчилан сэргийлэх талаар мэдээлэл, сургалт, сурталчилгаа явуулах ажлын төлөвлөгөөг боловсруулж, хэрэгжилтийг хангаж ажиллах,
-МУ-ын ЗГ-аас жил бүрийн 4-р сарын 28-нд ХАБЭА-н өдөр болгон зарласантай холбогдуулан тус компанид ажиллаж байгаад үйлдвэрлэлийн ослын улмаас амь насаа алдсан ажилтнуудын дурсгалыг хүндэтгэх, тэдгээрийн ар гэрт хүндэтгэл, тусламж дэмжлэг үзүүлэх талаар тодорхой ажил зохион байгуулах,
-Гэрээгээр ажил үйлчилгээ гүйцэтгэж буй зарим гадны гэрээт байгууллагуудын ажилтнуудыг ХАБЭА-н сургалтанд бүрэн хамруулж, байнга хяналт тавьж ажиллах,
-Монголын Уул уурхайн үндэсний ассоциациас зохион байгуулах “Safety First-2016”тэмцээнд шилдэг үзүүлбэрээр оролцох,
-Хаврын хуурайшилттай улирал эхэлсэнтэй холбогдуулан цехийн харъяа нутаг дэвсгэрийн өвс, навч, хог хаягдлыг цэвэрлэх, үерийн суваг шуудууг сэргээх, ой хээрийн бүсэд унасан мод, хогийг түүж хураах, ой хээрт галын аюулгүй байдлыг хангах зэрэг ажил зохион байгуулахаар боллоо.
Т.БАТЧУЛУУН
Нар минутад мандаж минутад жаргана.
Үс засуулвал: 
Суудал: 
