Авто тээврийн байгууллагын хамт олон шагналтнуудаа алдаршуулах ажиллагааг өнгөрсөн пүрэв гарагт Технологийн тээврийн гараашийн ажлын байранд байранд зохион байгууллаа. Энэ үйл ажиллагаанд Монгол улсын Хөдөлмөрийн баатар Д.Жигмэдцэрэн, Аж үйлдвэрийн гавьяат ажилтан А.Станбул, Р.Жанчивдорж, Хөдөлмөрийн гавьяаны улаан тугийн одонт Д.Болдбаатар, Алтан гадас одонт Д.Мөнхбаатар Д.Намжилдорж, П.Нармандах, Г.Долгор нарын алдартнууд, ажиллагчдын төлөөлөл оролцлоо. Алдартнуудыг тусгай машинаас буухад, жирийтэл жагссан техникүүдээр нэгэн зэрэг ёслолын дохио дуугарган хүндэтгэл үзүүлж угтав. 80 настай А.Станбул гавьяат “13 жилийн дараа ажил дээрээ ирэхэд сэтгэл догдолж үнэхээр сайхан байна, биднийг хүндэтгэн угтаж авсан та нартаа баярлалаа гэж нулимс мэлтэлзүүлэн хэлэв. Энэ үеэр үе үеийн ажилтнуудын уулзалт, ярилцлага болж, алдартнууд залуу үеийнхэндээ үг сургаалиа хайрлав. АТБ-ынхан алдартнууддаа орчин үеийн техник технологийн дэвшлээс сонирхуулж, АЗГ-1-ийн засварчин Б.Батцэнгэл, Авто цуваа-5 хэсгийн жолооч Ч.Даваацэрэн нар “Уурхайчин би” “Уурхайн жолооч” дуугаар ая өргөв. Төгсгөлд нь Тусгай зориулалтын машин механизмын гарааш дахь ажилчдын хоолны газарт алдартнуудаа хүндэтгэн зоог барьснаар энэхүү үйл ажиллагаа өндөрлөв.
Нар минутад мандаж минутад жаргана.
Үс засуулвал: 
Суудал: 
