Засвар механикийн заводын Механик цехэд 2000 тонноор шахах хүчин чадалтай, бүрэн автомат шингэн шахуурга угсарч байна. Тайвань улсад үйлдвэрлэсэн уг төхөөрөмжийг суурилуулснаар том оврын резинэн эдлэл тухайлбал, тээрмийн резинэн хуяг, шигшүүрийн тор зэрэг импорт орлох бүтээгдэхүүнийг дотооддоо үйлдвэрлэх юм. Шингэн шахуурга бүрэн хүчин чадлаараа ажилласнаар ажил хөнгөвчлөх, хөдөлмөрийн бүтээмж нэмэгдэх, механик боловруулалт багасах, эцсийн бүтээгдэхүүний өртөгт ч эерэгээр нөлөөлөх аж. Уг төхөөрөмжийн суурийн ажлыг Барилга засварын цех, суурилуулалтыг Засвар угсралтын цех хийж, цахилгааны угсралтыг ЗМЗ-ын Цахилгааны хэсгийн хамт олон гүйцэтгэж байна. Засвар механикийн заводын хамт олон энэхүү шахуургыг 4-р сарын 15-нд багтаан ашиглалтанд оруулах зорилт тавин ажиллаж байна. Мөн тоног төхөөрөмжийн ажиллах зааварчилгаа боловсруулан, ажиллагчдаа сургаж байна. Тус цехэд 2015 онд 1000 тонноор шахах хүчин чадалтай шингэн шахуурга ашиглалтанд оржээ.
Нар минутад мандаж минутад жаргана.
Үс засуулвал: 
Суудал: 
