Эрдэнэт үйлдвэрт бараа материал ажил үйлчилгээ худалдан авах тендерийн үнэлгээний хороо ажилладаг. Тус хороонд ажиллах албан тушаалтнуудад Худалдан авах ажиллагааны зөвлөгөө өгөх төвийн сургагч багш нар сургалт зохион байгуулж байна. Сургалтанд 80 гаруй хүн хамрагдаж байгаа юм. Төрийн болон орон нутгийн өмчийн хөрөнгөөр бараа материал ажил үйлчилгээ худалдан авах тухай хуульд заасны дагуу үйлдвэрийн хэмжээнд тендерийн үнэлгээний хороонд ажиллах албан тушаалтнуудыг тогтмол сургалтанд хамруулдаг. Гурван жилийн эрхийн хугацааг дуусмагц ажилчдын ур чадварыг харгалзан давтан сургалтыг зохион байгуулдаг байна.