Баяжуулах фабрикийн захиргаанаас шинээр ажилд орсон ажилтнуудаа гэмт хэрэг зөрчлөөс урьдчилан сэргийлэх, сэрэмжлүүлэх зорилгоор цагдаагийн ажилтан, хуульчдыг урьж яриа таниулга хийв. Уг хуралд шинээр ажилд орсон 110 гаруй хүн хамрагдав. Энэ үеэр “Эрдэнэт” үйлдвэрийн Хуулийн хэлтсийн хуульч Б.Одгарьд хууль дүрэм, “Эрдэнэт” үйлдвэрийн дотоод журмыг тайлбарлахын зэрэгцээ Хуулийн хэлтэс “Эрдэнэт” үйлдвэрийн ажиллагчдад хууль эрх зүйн зөвлөлгөө, туслалцаа үзүүлдэг тул шаардлага гарвал манайд хандаарай гэв. Орхон аймгийн цагдаагийн газрын хэрэг бүртгэгч, цагдаагийн дэслэгч Н.Саранцэцэг, Орхон аймагт болон “Эрдэнэт” үйлдвэрийн ажиллагчидтай холбоотой гарч буй гэмт хэрэг зөрчлийн талаар сургамж болгох үүднээс ярив. Энэ үеэр ажилчдын цалин, урамшууллын систем, цалинг хэрхэн бодож олгодог талаар эдийн засгийн албаны ажиллагчид дэлгэрэнгүй мэдээлэл өглөө. Мөн Баяжуулах фабрикийн Үйлдвэрчний эвлэлийн хорооны дарга мэдээлэл хийв. Төгсгөлд нь Баяжуулах фабрикийн Хүний нөөцийн албаны дарга Т.Тунгалагтамир хэлсэн үгэндээ “Эрдэнэт” үйлдвэр 36 жилийн хугацаанд дэлхийн шилдэг аж ахуйн нэгж, Зууны манлай бүтээн байгуулалт, Хөдөлмөрийн гавьяаны улаан тугийн одонт боллоо. Та бүхний эцэг, эхчүүд эзгүй хээр талд энэ үйлдвэр, хотыг босгосон гавьяатай хүмүүс. Аав, ээжийгээ залгамжлан энэ үйлдвэрийг цаашид авч явна гэдэг том хариуцлага. Үүнийг ухамсарлан сахилга бат, дэг журамтай байж, ажилдаа чин сэтгэлээсээ бүтээлч хандаарай гээд тэдэнд амжилт хүслээ. Баяжуулах фабрикт энэ оны 11-р сарын байдлаар 110 хүн ажилд орсны 80 хувь нь эцэг, эхээ залгамжлан ажиллаж байна.
Нар минутад мандаж минутад жаргана.
Үс засуулвал: 
Суудал: 
