Мартын 8-ны энэ өдөр эмэгтэйчүүдэд голдуу цэцэг бэлэглэж өгөх заншил тогтсон байдаг. Харин энэ баярыг тэмдэглэх уламжлал Эртний Ромоос эхтэй. Тэр үед эрчүүд нь гэргий нартай бэлэг өгч, анхаарал халамж тавьдаг байжээ. Боол эмэгтэйчүүд хүртэл бэлэг авдаг байсан гэдэг. Мартын 8-ны орчин үеийн түүх 1857 оны гуравдугаар сарын 8-ны өдрөөс эхтэй гэж үздэг байна.
Анхны жагсаал цуглаанаас бараг хагас зуун жилийн дараа буюу 1908 онд эмэгтэйчүүд эрхийнхээ төлөө дахин жагсчээ. Энэ үйл явдлаас нэг жилийн дараа Эмэгтэйчүүдийн үндэсний өдөр болгон зарлажээ. Харин 1910 онд Копенгаген хотноо болсон олон улсын эмэгтэйчүүдийн бага хурал дээр Олон улсын эмэгтэйчүүдийн эрхийг хамгаалах өдөр болгон тэмдэглэх саналыг Клара Цеткин дэвшүүлсэн байна. 1911 оноос эхлээд энэ баярыг Европын хэд хэдэн оронд тэмдэглэж эхэлсэн түүхтэй юм.
Энэ өдрийг тохиолдуулан Эрдэнэт үйлдвэрийн Хүний нөөцийн хэлтсээс 2 дахь жилдээ санаачлан Ерөнхий захиргаанд ажилладаг эмэгтэйчүүдээ угтан баярын цэцгээр бэлэг барилаа. Эрдэнэт үйлдвэрт нийт ажиллагсадын 1800 гаруй нь эмэгтэйчүүд байдаг юм. Эрдэнэт үйлдвэрийн нийт эмэгтэйчүүддээ Хүний нөөцийн хэлтсээс баярын мэнд хүргэсэнийг уламжилж байна.
Г.Алтанцэцэг
Нар минутад мандаж минутад жаргана.
Үс засуулвал: 
Суудал: 
