Олон улсын хэмжээнд агаарын бохирдолыг нийгмийн хөгжлийг хойш татагч хүчин зүйл гэж үздэг.Агаарын бохирдлыг ихэнх оронд хүхрийн давхар исэл, азотын давхар исэл, озон, тooсонцор, нүүрстөрөгчийн дутуу исэл зэрэг 6-8 үзүүлэлтээр хянадаг юм байна. Харин манай улс Улаанбаатар хот болон аймгийн төвүүдийн агаарын бохирдлыг зөвхөн хүхрийн давхар исэл, азотын давхар исэл гэсэн хоёрхон үзүүлэлтээр хэмжиж байна.
Агаарын бохирдол нь хүн амын эрүүл мэндэд сөргөөр нөлөөлж амьсгалын замын, зүрх судасны, төв мэдрэлийн cистемийн болон харшлын өвчнүүд, удамшлын эмгэг, төрөлхийн гажиг, хавдар зэрэг өвчнүүдийн тархалт, тохиолдлын түвшинг ихэсгэх, улмаар нөхөн үржихүйн эрүүл мэндийг хордуулах, хүүхдийн дархлаа, өсөлт хөгжилтийг бууруулах муу нөлөөтэй байдаг нь олон улсын болон манай орны эрдэмтэд, судлаачдын хийсэн судалгааны дүн харуулсан байна.
Үүнтэй холбоотойгоор Японы JAPAN FLARE компани өнөөдөр агаарын бохирдлыг бууруулах төслөө Орхон аймгийн удирдлагуудад танилцуулсан юм.
Агаарын бохирдлын дийлэнх хувийг нүүрсний угаарын хий болон гэр хорооллын зуухны дутуу шатсан агаарын хий эзэлж байна. 4 жилийн судалгаанд үндэслэн хийсэн агаарын бохирдлыг бууруулах төхөөрөмж нь металл хийц бүхий шүүлтүүртэй бөгөөд цахилгаанд залгаж энгийн болон төслийн зууханд байршуулах юм. Ингэснээр түлш хэмнэх төдийгүй дулаан хадгалалт удаан, утаанаас гарах хорт хийг 50 хувь хүртэл бууруулна гэж төслийн багийнхан тайлбарлаж байна.
Г.Алтанцэцэг
Нар минутад мандаж минутад жаргана.
Үс засуулвал: 
Суудал: 
