Эрдэнэт үйлдвэр ХХК-ийн дэргэдэх Ш.Отгонбилэгийн нэрэмжит Технологийн сургуулиас анх удаа санаачлан, ЕБС-ийн ахлах ангийн сурагчдын дунд “Математик, байгалийн ухааны бүсийн олимпиад” амжилттай зохион байгуулжээ.
Сурагчдын математик, байгалийн ухааны хичээлд шимтэн суралцах сонирхлыг дэмжих, шинэ зууны өндөр мэдлэг, ур чадвартай инженер бэлтгэхэд хувь нэмэр оруулах, аймаг, улсын төрөлжсөн олимпиадын бэлтгэлийг хангах, эрчимжүүлэх, Технологийн сургуульд элсэгчдийг чадваржуулах зорилгоор энэ олимпиадыг зохион байгуулсан юм.
Орхон, Дархан-Уул, Сэлэнгэ, Булган аймаг, Хөтөл хорооны 25 сургуулийн 400 гаруй сурагч тус олимпиадад оролцсон. Тэмцээний 9-р ангийн төрөлд 90, 10-р анги төрөлд 104, 11-р ангид 100, 12-р ангийн төрөлд 118 сурагч тус тус физик математик, химийн хичээлийн мэдлэгээр өрсөлдөв. Олимпиадын дүнг анги тус бүрээр шалгаруулахаас гадна нийлбэр дүнгээр эхний байруудад шалгарсан сурагчдыг мөн шагнаж урамшуулав.
12-р ангийн Математикийн хичээлийн төрөлд 1-р байрыг Орхон аймгийн “Эрдэм” ахлах сургуулийн 12е ангийн сурагч Ж.Нямдаваа, 2-р байрыг Орхон аймгийн 14-р сургуулийн сурагч Г.Өлзийпүрэв, 3-р байрыг Орхон аймгийн Лаборатори 8-р сургуулийн сурагч О.Сувд-эрдэнэ, Физикийн хичээлийн төрөлд 1-р байрыг Орхон аймгийн “Эрдэм” ахлах сургуулийн 12б ангийн сурагч Б.Эрхбаяр, 2-р байрыг Орхон Технологийн сургуулийн лицей ангийн сурагч Т.Нямгэрэл, 3-р байрыг Орхон Импати сургуулийн 12б ангийн сурагч Б.Түмэндэлгэр, Химийн хичээлийн төрөлд 1-р байрыг Орхон Импати сургуулийн сурагч Б.Чимэглхам, 2-р байрыг Орхон аймгийн 14-р сургуулийн 12б ангийн сурагч О.Одончимэг, 3-р байрыг Орхон аймгийн “Эрдэм” ахлах сургуулийн 12а ангийн сурагч Ц.Болорчимэг нар эзэлж, нийлбэр онооны дүнгээр эхний 3 байрт Орхон аймгийн “Эрдэм” ахлах сургуулийн 12е ангийн сурагч Ж.Нямдаваа, Импати сургуулийн 12б ангийн сурагч Б.Түмэндэлгэр, 14-р сургуулийн 12б ангийн сурагч О.Одончимэг, “Эрдэм” ахлах сургуулийн 12б ангийн сурагч Б.Эрхбаяр, Орхон Импати сургуулийн сурагч Б.Чимэглхам, Технологийн сургуулийн лицей ангийн сурагч Т.Нямгэрэл нар шалгарч алт, мөнгө, хүрэл медаль хүртлээ.
Мөн энэ үеэр ШУТИС-ийн харьяа Ш.Отгонбилэгийн нэрэмжит Технологийн сургуулийн дэргэдэх Лицей ахлах сургуульд 20-40 хувийн хөнгөлөлттэй суралцах эрхийн бичгийг тус олимпиадын эхний 3 байр эзэлсэн 10-12-р ангийн 18 сурагчид, тус ахлах сургуульд шалгалтгүйгээр элсэн суралцах эрхийн бичгийг нэгдсэн онооны дүнгээр эхний 3 байр эзэлсэн 9-р ангийн 16 сурагчид гардуулсан юм.
Энэ олимпиад жил бүр уламжлал болон зохиогдоно.
Нар минутад мандаж минутад жаргана.
Үс засуулвал: 
Суудал: 
