Эрдэнэт үйлдвэрийн эрх бүхий тендерт оролцогчдоос ажлын байрны Хөдөлмөрийн хэвийн бус нөхцөлд ажилладаг хүмүүст олгох хор саармагжуулах хүнсний бүтээгдэхүүн нийлүүлэх тухай тендер зарлалаа.
Компанийн тухай хуулийн 84-р зүйлийн 84.4.3дахь заалт, Эрдэнэт үйлдвэр ХХК-ийн дүрмийн 12.11 дэх заалт, Төрийн болон орон нутгийн өмчийн хөрөнгөөр бараа ажил, үйлчилгээ худалдан авах тухай хуулийн 46-р зүйлийн 46.1.1 дэх заалт, 47-р зүйлийн 47.1, 47.4 дэх заалт, хөдөлмөрийн аюулгүй байдал, эрүүл ахуйн тухай хуулийн 28-р зүйлийн 28.1.9 заалт, Эрдэнэт үйлдвэрийн захиргаа, ҮЭ-ийн холбооны хооронд байгуулсан 2014-2015 онд хэрэгжүүлэх хамтын гэрээний 11.11 дэх заалтыг үндэслэн тендерийн дагуу үнэлгээний хороо байгуулсан байна. Хөдөлмөрийн хэвийн бус нөхцөлд ажилладаг ажиллагсдад олгох хор саармагжуулах хүнсний бүтээгдэхүүн бэлтгэн нийлүүлэх, үйлчилгээ үзүүлэх компанийг сонгон шалгаруулах үнэлгээний хороог ХАБЭА-н хэлтсийн дарга Д.Цагаан-Эрдэнээр ахлуулан 9 хүний бүрэлдэхүүнтэй байгуулжээ.
Тендерт оролцогч нь сүү, сүүн бүтээгдэхүүн, витаминжуулсан ундааны төрөл, шүлтлэг рашаан гэсэн 3 төрөлд нийцүүлэн нэг буюу түүнээс олон багцад оролцохоор тендер ирүүлэх боломжтой. Эрдэнэт үйлдвэр ХХК-ийн нийт 4100 ажилтанд ажлын нэг өдөр буюу ээлжинд 1 удаа нэг хор саармагжуулах хүнсний бүтээгдэхүүнээр үйлчлэх ажилтны тоогоор 8 багцад хуваарилсан байна.
Тендерийг 2016 оны 02 дугаар сарын 19-ны өдрийн 09 цагаас өмнө ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2016 оны 02 дугаар сарын 19-ны өдрийн 09 цаг 40 минутад Эрдэнэт үйлдвэр ХХК-ийн Ерөнхий захиргааны I байрны 1-р давхрын 101 тоот өрөөнд нээнэ.
Гадаадын иргэн тендер ирүүлэх эрхтэй бөгөөд Монгол улсын гарал үүсэлтэй бараанд давуу эрхийн зөрүү тооцохгүй гэж мэдээллээ.
Г.АЛТАНЦЭЦЭГ
Нар минутад мандаж минутад жаргана.
Үс засуулвал: 
Суудал: 
