Эрдэнэт үйлдвэр ХХК-ийн хөдөлмөрийн аюулгүй байдал, эрүүл ахуйн 2015 оны ажлыг дүгнэсэн “Нэн түрүүнд-ХАБ” бага хурал өнөөдөр “Уурхайчин” соёлын ордонд боллоо. Тус хуралд “Эрдэнэт” үйлдвэрийн ажиллагчдын төлөөлөл 400 гаруй хүн оролцож, өнгөрсөн оны хөдөлмөрийн аюулгүй байдал, эрүүл ахуйн ажлын үр дүн, сургалт, “Эрүүл мэнд” хөтөлбөрийн хэрэгжилт, гамшгаас хамгаалах ажлын талаар илтгэл сонссон. Уул уурхайн салбарыг сүүдэр мэт дагаж байдаг осол гэмтлээс хамгийн үнэт баялаг болсон ажилчнаа хамгаална гэдэг нь компанийн хуулиар хүлээсэн үүрэг, нийгмийн хариуцлага юм. “Эрдэнэт” үйлдвэрийн “Нэн түрүүнд хөдөлмөрийн аюулгүй байдал” бодлого компанийн бүх шатанд хэрэгждэг. Өнгөрсөн оныг 2014 онтой харьцуулахад осол, мэргэжлээс шалтгаалах өвчлөл, хөдөлмөрийн чадвар түр алдалтын тохиолдол буурсан нь хөдөлмөрийн аюулгүй байдал, эрүүл ахуйн ажлын бодит үр дүн боллоо.
“Нэн түрүүнд ХАБ-2016” бага хурлаас компанийн ХАБЭА-н хэлтсийн бүтэц, зохион байгуулалтыг шинэчлэх, “Ноцтой эрсдлийн удирдлага” хөтөлбөрийг Авто тээврийн байгууллага, Засвар механикийн завод, Хүдрийн ил уурхай, Дулааны цахилгаан станц, Засвар угсралтын цех, Цахилгаан цехд нэвтрүүлэхээр болсон. Мөн “Эрдэнэт” үйлдвэрт ажиллагчдын хувийн хамгаалах хэрэгсэл, ажлын тусгай хувцас, гутлаар хангах асуудалд дотоодын үйлдвэрлэгчийг дэмжих чиглэлийг түлхүү баримтлан дотоод, гадаадын шилдэг компаниудаас сонголттойгоор шууд худалвах авахаар шийдвэрлэлээ.
У.Цэрэнбат
Нар минутад мандаж минутад жаргана.
Үс засуулвал: 
Суудал: 
