Эрдэнэт үйлдвэр ХХК-ийн Монгол, Оросын удирдах зөвлөлийн ээлжит 51-р хуралдаан өнгөрсөн долоо хоногт Улаанбаатар хотноо болсон. Энэ удаагийн хуралдаанаар компанийн 2013, 2014 оны эдийн засаг, санхүү, үйлдвэрлэлийн үйл ажиллагааг дүгнэжээ. Дээрх онд “Эрдэнэт” үйлдвэр үйлдвэрлэлийн төлөвлөгөөт үзүүлэлтүүдээ 100 давсан хувиар биелүүлэн, эдийн засгийн өндөр ашигтай ажиллаж, эзэмшигч талуудад ногдол ашгаа хуваарилсан. Ашгийн төлөвлөгөөг биелүүлсний төлөө үйлдвэрийн хамт олныг шагнах шийдвэр хурлаас гаргажээ. Мөн “Эрдэнэт” үйлдвэрийн хамт олон хэмнэлтийн бодлогыг амжилттай хэрэгжүүлж ажилласныг Зөвлөлийн гишүүд өндөр үнэлсэн байна. Мөн “Эрдэнэт” үйлдвэрийн 2016 оны бизнес төлөвлөгөөг баталжээ. Компанийг 2016-2025 онд хөгжүүлэх хэтийн төлөвлөгөөний эхний төслийг 2016 оны 3-р сарын нэгэн буюу шинэ оны эхний улиралд багтаан танилцуулах үүрэг өгсөн байна.
Зөвлөлийн хурлаас гаргасан шийдвэрийн дагуу нийгмийн цехүүдийг зардлаа нөхөж, зах зээлийн нөхцөл байдалтай уялдуулж ажиллуулахаас гадна “РСЦ”, “ЭрдСүлж” ХХК зэрэг охин компанийн бүтэц, ажлын горимд өөрчлөлт оруулахаар болжээ. Эдийн засгийн хямралтай холбоотойгоор “Москва-300”, “Эко-400” орон сууцны төслийн хөрөнгийн асуудлыг зэсийн үнэ өсөх хүртэл хойшлуулсан байна. Мөн оношилгоо, эмчилгээний “Эрдэнэт медикал” төвийг Японы эрүүл мэндийн менежментээр бие даалгаж ажиллуулах шийдвэр гаргажээ.
У.Цэрэнбат
Нар минутад мандаж минутад жаргана.
Үс засуулвал: 
Суудал: 
