Орхон аймгийн Баян-Өндөр сумын ЗДТГ-аас иргэдээ өнтэй өвөлжүүлэхэд зориулан Дархан-Уул аймгийн Шарын гол сумаас хямдралтай үнээр нүүрс авах гэрээ байгуулжээ. 25 кг нүүрсийг 3000 төгрөг, 50 кг-ийг нь 5000 төгрөг болгон хямдруулахаар ярилцаж байгаа ч эцэслэн шийдвэрлээгүй байна. Шарын голын нүүрсийг хямдралтай үнээр борлуулах цэгүүдийг тогтоох ажил хийгдэж байгаа бөгөөд ченжээр дамжуулалгүйгээр иргэдэд шууд хүргэх юм. Баян-Өндөр сумын гэр хороололд 1600 гаруй өрх амьдардаг. Сумын ойн нөөцөөс түлээ бэлтгэх боломжгүй учраас зэргэлдээх сумдаас өвлийн хэрэглээний түлээг гэрээгээр бэлтгэн, иргэдэд худалдаалдаг. Сумдаас оруулж ирэх түлээний хэмжээ гэр хорооллын иргэдийн өвлийн түлшинд хүрэлцээгүй байдаг учраас ийнхүү гэрээ байгуулжээ. Шарын голоос нүүрс нийлүүлэх ажил ирэх 7 хоногт эхлэх аж.
У.Цэрэнбат
Нар минутад мандаж минутад жаргана.
Үс засуулвал: 
Суудал: 
