Эрдэнэт хотын 40 жилийг ойг угтсан бүтээн байгуулалт, тохижилт засварын ажил хийгдэж байна. Орхон аймгийн Засаг даргын захирамжаар уг ажлыг зохион байгуулах хороо, дэд ажлын зургаан хэсэг байгуулагдаж, хотын төвийн өнгө үзэмж, тохижилт, гэр хорооллын иргэдийн амьдрах нөхцөлийг сайжруулах, ногоон байгууламж, хотын дэд бүтэц, орон сууцуудын тохижилт, үйлдвэрлэл үйлчилгээг дэмжих, хууль эрх зүй, эрүүл мэнд, боловсрол, соёл урлаг гэсэн чиглэлээр бүтээн байгуулалтын ажлын төлөвлөгөө гарган ажиллаж байгаа юм. Мөн “Эрдэнэт” үйлдвэрийн хаалт хөгжлийн менежменттэй уялдуулсан байгалийн нөхөн сэргээлтийн томоохон ажил болох “Баян-Өндөр” экологийн цогцолбор байгуулах төслийг эхлүүлээд байна. Эрдэнэт хотын 40 жилийн ойн нээлт 2016 оны нэгдүгээр сарын нэгэнд “Эрдэнэт 40” өвлийн спортын наадмаар эхэлж, улсын баяр наадам хүртэл үргэлжилнэ. Энэ хугацаанд “Жишиг тохижилт бүхий 40 гудамж”-ийг тухайн багийн иргэдийн оролцоотой бий болгож, санаачилгатай ажилласан шилдэг 40 аж ахуйн нэгж, албан байгууллагыг шалгаруулах юм. Өмнө нь олон жил яригдаж, иргэдийн дунд хүлээлт үүсгээд байсан хотын цэвэрлэх байгууламжийн өргөтгөлийн ажлыг дуусгаж, орон сууцны “Москва-300”, “Залуус- 600” төсөл, БОЭТ-ийн Төрөх тасгийн шинэчлэлийн хүрээнд “Эрдэнэтийн ирээдүйн эзэд” зэрэг төсөл хэрэгжүүлнэ.
Н.Гантөгс
Нар минутад мандаж минутад жаргана.
Үс засуулвал: 
Суудал: 
