Эрдэнэт үйлдвэр ХХК-ийн ҮЭХ-ны Гүйцэтгэх зөвлөлийн хоёрдугаар хуралдаан өчигдөр болж, үйлдвэрийн захиргаа, ҮЭ-ийн хооронд хоёр жил тутамд шинэчилэн байгуулдаг хамтын гэрээний төслийг хэлэлцэв. Хуралд үйлдвэрийн ҮЭХ-ны гүйцэтгэх зөвлөлийн нийт 80 гишүүний 60 гаруй нь буюу 80 хувийн ирцтэй оролцлоо. Хурлаар хамтын гэрээний шинэчилсэн төсөл, ҮЭ- Захиргаатай байгуулах хамтын гэрээг хэлэлцэж батлах ҮЭ-ийн төлөөлөгчдийн бүрэлдэхүүнийг хэлэлцаж баталсан байна. Хамтын гэрээний шинэчилсэн төслийг боловсруулах ажлын хэсэг үйлдвэрийн ажиллагсдаас авсан санал асуулгын дүнг энэ үеэр танилцууллаа. Санал асуулгад 22-59 насны 0,7 сараас 29 жил ажилласан 1000 орчим ажиллагсад хамрагдснаас 500 гаруй саналыг урьдчилсан байдлаар нэгтгэж дүгнээд байна. Судалгаанд хамрагдсан ажиллагсдаас амьжиргааны түвшин, цалин орлого, зээл, хамтын гэрээний хэрэгжилт, шинэ төсөлд оруулах санал авчээ. Өмнөх 2 жилийн хамтын гэрээний хэрэгжилтийн талаар ажлын хэсгийн ахлагч Б.Төгсбаяр танилцуулсан. Дээрх хугацаанд нийт 12 бүлэг 116 заалтын 81 хувь нь биелж, 2,5 хувь нь огт биелээгүй. 16,3 хувь нь хагас биелэлттэй гэж үзэж байна. Ийнхүү ажиллагсдаас авсан саналыг тусган, ҮЭ-ийн ажлын хэсгийн боловсруулсан нийт 12 бүлэг бүхий хамтын гэрээний шинэчилэн төслийг ҮЭ-ийн гүйцэтгэх зөвлөлийн хуралдаанаар хэлэлцэж баталлаа. Төслийг 5 хувь үйлдэж, үйлдвэрийн Ерөнхий захирал Ц.Даваацэрэн, Ерөнхий захирлын Нийгмийн асуудал хариуцсан орлогч С.Сувдаа нарт болон Хүний нөөцийн хэлтэс, Хуулийн хэлтэс, Эдийн засаг маркетингийн хэлтэст хүргүүлэх юм. Гэрээний төслийг захиргааны талд хүргүүлснээс хойш ажлын 10 өдрийн дотор хэлэлцээг эхлэх тухай Хөдөлмөрийн тухай хуульд заасан байдаг. 2016-2017 онд хэрэгжүүлэх шинэчилсэн хамтын гэрээг байгуулахад ҮЭ-ийг төлөөлж, үйлдвэрийн ҮЭХ-ны дарга Н.Батбаатар, ня-бо Ш.Галиндэв, үйлдвэрлэлийн үндсэн 4 цехийн орон тооны дарга Б.Шарав, П.Баттөр, М.Эрдэнэбат, Б.Төгсбаяр, туслах цехийг төлөөлж ГХА-ийн ҮЭ-н хороон дарга Х.Амарзаяа, охин компаний төлөөлөл “РСЦ” компаний ҮЭХороон дарга Ө.Зоригт, нийгмийн цехүүдийг төлөөлж “Эрдэнэт” сувилалын цогцолборын эмч Ц.Энхтайван, Ахмадуудын төлөөлөл ҮЭ-ийн ахмад ажилтан Н.Энэбиш, МШӨ-буюу 40 хувьтангуудыг төлөөлж, үйлдвэрийн анхдагч Д.Баатар, ажиллагсдын төлөөлөл Ч.Болдбаатар, Б.Гарам-очир нарын 13 хүнийг сонгож баталлаа.
Н.Гантөгс
Нар минутад мандаж минутад жаргана.
Үс засуулвал: 
Суудал: 
