Өнөөдөр үйлдвэрийн ёслол хүндэтгэлийн “Оюу”танхимд ХБНГУ-ын Геотек Роштоффе ХХК болон ИМК /IMK/инжинеринг ХХК, Эрдэнэт үйлдвэрийн хооронд уул уурхайн тоног төхөөрөмж үйлдвэрлэх чиглэлээр хамтран ажиллах тухай санамж бичигт гарын үсэг зурах ёслол боллоо. Санамж бичигт Эрдэнэтийн уул уурхайн бүс нутгийн тогтвортой хөгжил төслийг хэрэгжүүлэхэд талууд өөрсдийн хувь нэмрийг оруулах зорилготой юм. Эрдэнэт үйлдвэрийн үндсэн нэгж болох Засвар механикийн заводад уул уурхайн техник, тоног төхөөрөмжийг хэсэгчлэн угсарч үйлдвэрлэн Монголын болон дэлхийн зах зээлд нийлүүлэх, аль ч уул уурхайн үйлдвэрийн техникийн засвар үйлчилгээ үзүүлэх үе шаттай төслийг хэрэгжүүлэх ажээ. Мөн уул уурхайн машин үйлдвэрлэлийн баялаг туршлагатай ИМК инженеринг ХХК нь шаардлагатай Ноу- Хауг нэвтрүүлэх, шинээр гаргаж буй бүтээгдэхүүнд олон улсын зах зээл дээр өрсөлдөх чадварын баталгааг ханган ажилах юм байна.
Н.ГАНТӨГС