Гишүүдийнхээ харилцааны болон манлайллах чадварыг хөгжүүлэх зорилготой Тоастмастерс Интернэшнл олон улсын байгууллага 135 улсад 15.400 клуб буюу 332.000 гишүүнтэй. Монгол улсад Тоастмастерсын анхны клуб 2010 онд байгуулагдсанаас хойш эдүгээ Улаанбаатарт 5, “Эрдэнэт” үйлдвэрт 1 клуб тус тус байгуулагджээ. Дээрх 6 клубын гишүүдийн төлөөллийг оролцуулсан “Тоастмастерс Монгол” байгууллагын Үндэсний анхдугаар чуулган 10-р сарын 3-нд Улаанбаатар хотод боллоо. “Эрдэнэт” үйлдвэрийн Тоастмастерс клубын 9 гишүүн анхдугаар чуулганд төлөөлөгчөөр оролцов.
Анхдугаар чуулганаар гишүүд тангараг өргөж, сургалтанд оролцохын зэрэгцээ Тоастмастерсын анхны тэмцээн зохион байгуулж үндэсний аваргаа шалгарууллаа. Англи хэл дээр уран илтгэх чадвар шалгасан уг тэмцээнд 9 залуу оролцож, оюуны мэдлэг чадвараа сорив.
Тоастмастерсын анхдугаар чуулганд оролцогчид цаашид үйл ажиллагааны хүрээгээ тэлж, Монголын өнцөг булан бүрт гишүүнчлэлтэй байж, өргөн үйл ажиллагаа явуулахын тулд “Тоастмастерс Монгол” ТББ байгуулж, дүрмээ батлан, тус байгууллагын тэргүүнээр Англи хэлний академийн ерөнхийлөгч З.Ганчимэгийг сонгов.
“Тоастмастерс Монгол” ТББ нь цаашид Монголын бүх аймаг, сум дүүрэг болон их дээд сургуулиудад Тоастмастерс клуб байгуулж, монголчуудын харилцааны болон англи хэлний чадварыг сайжруулахад томоохон хувь нэмэр оруулах зорилго тавьж ажиллана гэдгээ анхдугаар чуулганы төлөөлөгчдөд илэрхийлж байлаа.
Ж.ОЮУН
Нар минутад мандаж минутад жаргана.
Үс засуулвал: 
Суудал: 
