ШУТИС-ын харъяа, Ш.Отгонбилэгийн нэрэмжит Технологийн сургуулийн 40 жилийн ойн баярт зориулсан, тус сургуулийн төгсөгч Олон улсын мастер Н.Баттулгын нэрэмжит шатрын тэмцээн амжилттай зохион байгуулагдлаа. Тус тэмцээнийг математикийн багш Ч.Уранчимэг санаачилан ивээн тэтгэжээ. Тэмцээнд ОУМ Н.Баттулга нарын үе үеийн төгсөгчдийн 25 шатарчин оролцов. Технологийн сургуулийн 2008 оны төгсөгч Н.Баттулга, 2006 оны төгсөгч Ч.Отгонпүрэв нар нэгдүгээр байрыг эзэлж, механик инженерийн нэгдүгээр дамжааны оюутан С.Пүрэвдаш, цахилгаан систем автоматжуулалтын гуравдугаар дамжааны оюутан Е.Пүрэвдаваа нар дэд байранд шалгарлаа. Гуравдугаар байранд цахилгааны инженерийн нэгдүгээр дамжааны оюутан Г.Бадам, уул уурхайн ашиглалтын технологийн гуравдугаар дамжааны оюутан Б.Буянтөр нар оров. Технологийн сургуулийн 40 жилийн ойн шатрын тэмцээний багш нарын төрөлд дэд профессор Ч.Дариймаа, багш Ш.Амгаланбаяр нар нэгдүгээр байрыг эзэлсэн. Химийн багш С.Мэнджаргал, Д.Лхагва нар дэд байранд шалгарч, Л.Эрдэнээ, Б.Мөнхнасан нар гуравдугаар байранд орлоо.
У.Цэрэнбат
Нар минутад мандаж минутад жаргана.
Үс засуулвал: 
Суудал: 
