Өнөөдөр улс төрийн хилс хэрэгт хэлмэгдэгсдийн дурсгалыг хүндэтгэх өдөр. Цагаатгах ажлыг удирдан зохион байгуулах Орхон аймгийн салбар комисс аймгийн ЗДТГ-ын хурлын танхимд хэлмэгдэгсэд, тэдний үр хүүхэд, ач зээ нарын төлөөллийг хүлээн авч уулзлаа. Уулзалтыг салбар комиссын дарга Б.Мягмарсүрэн нээж үг хэлсэн. Тэрбээр Монголын түүхэнд үлдсэн эмгэнэл хэлмэгдүүлэлтийн он жилүүдийг бид мартах учиргүй. Цагаатгах ажлыг удирдан зохион байгуулах салбар комисс Орхон аймгийн хэмжээнд улс төрийн хилс хэрэгт хэлмэгдэгсдийн дурсгалыг хүндэтгэх олон үйл ажиллалааг төлөвлөн зохион байгуулж ирсэн. Цаашид ч үргэлжилнэ гэдгийг онцоллоо. Уулзалтын дараа Монгол улсын Ерөнхий сайд асан А.Амарын хөшөөнд цэцэг өргөсөн. Мөн энэ үеэр Ерөнхий сайд А.Амарын хэрэглэж байсан эмийн хайрцгийг Орхон аймгийн музейд хадгалуулахаар гардуулан өглөө. Улс төрийн хилс хэрэгт хэлмэгдэгсдийн дурсгалыг хүндэтгэх өдрийг угтан салбар комисс сурагчдын дунд “Улс төрийн хэлмэгдүүлэлт, түүний хор хөнөөл” сэдвийн дор зохион бичлэгийн уралдаан зарласан. Уралдаанд 12 сургуулийн 32 сурагч оролцсоноос эхний 5 байр эзэлсэн сурагчдыг өнөөдөр өргөмжлөл, мөнгөн шагналаар урамшууллаа. Энэхүү ёслолын үйл ажиллагааны дараа А.Амарын талбайд хүндэтгэлийн цуглаан болж, Хутагт ламын хийдэд буяны ном хурсан. Орхон аймагт хилсээр хэлмэгдсэн нэг иргэн, хэлмэгдэгсдийн үр хүүхэд 20 гаруй, ач зээ нарын төлөөлөл 200 орчим хүн ажиллаж амьдардаг.
У.Цэрэнбат
Нар минутад мандаж минутад жаргана.
Үс засуулвал: 
Суудал: 
