“Эрдэнэт медикал” төв эмнэлэг, Эрдэнэт сувилал цогцолбор, Хангарьд спорт цогцолборын эмч мэргэжилтнүүд өнөөдөр “Эрдэнэт медикал” төвд зохион байгуулагдсан сургалтанд хамрагдлаа. Осол гэмтлийн улмаас ясны хугарал, мултрал авснаас эмнэлэгт хожуу хандах, эмнэлгийн тусламж үйлчилгээг бүрэн авч, эмчлүүлж чадаагүйгээс эд, эрхтэний бүтцийн өөрчлөлтөнд орсон чигээрээ эдгэрэх, цаашлаад хөгжлийн бэрхшээлтэй болох тохиолдол олон байдаг. Үүнтэй холбогдуулан Японы уламжлалт эмчилгээний арга болох жудо бариа заслын аргыг хөдөө орон нутгийн эмч мэргэжилтнүүдэд сургалтаар дамжуулан зааж байгаа аж. Анагаахын шинжлэх ухааны үндэсний их сургуулийн Сувилахуйн сургууль, Япон улсын “Жайка” олон улсын байгууллагатай хамтран “Японы уламжлалт анагаах ухаан”, “Жудо бариа засаг”-ыг Монгол улсад дэлгэрүүлэх төслийг 2008-2016 онд хэрэгжүүлж байна. Уг төсөлд Монгол улсад үзүүлэх тусламжийн хүрээнд бүс нутаг хоорондын нийгмийн үйлчилгээний хүртээмжийн ялгааг арилгахын тулд хүний аюулгүй байдлыг хангах, буцалтгүй тусламжийн сургалтын хөтөлбөр багтаж байгаа юм.
У.Цэрэнбат
Нар минутад мандаж минутад жаргана.
Үс засуулвал: 
Суудал: 
