Эрдэнэт үйлдвэр ХХК-ийн Залуучуудын холбоо 2015 оны ажлын төлөвлөгөөнд тусгагдсаны дагуу уул уурхайн ижил төстэй компанийн үйл ажиллагаа, техник технологитой танилцах, туршлага солилцох, өөрсдийн ажил мэргэжил, ур чадварын талаар танилцуулга хийх, Чиглэлийн Залуучуудын зөвлөлтэй харилцаа холбоо тогтоох, хамтран ажиллах зорилгоор энэ сарын 12-15-нд Монголын Залуучуудын холбоо, Иргэний нисэхийн ерөнхий газар, Бор-Өндөрийн уулын баяжуулах үйлдвэр, Цонжин болдог, Аглаг бүтээлийн хийд гэсэн маршрутаар нөхөрсөг уулзалт зохион байгууллаа. Энэхүү уулзалтыг Эрдэнэт үйлдвэр ХХК-ийн Залуучуудын холбооны ерөнхий нарийн бичгийн дарга Т.Мөнхбат ахлан Эрдэнэт үйлдвэр ХХК-ийн цех хэсгүүдээс шилдэг 14 залуу оролцсон.
Монголын Залуучуудын холбооны үйл ажиллагаа болон МЗХ-ны V их хурлаар батлагдсан дүрэм журамтай танилцан, МЗХ-ны Чиглэлийн Залуучуудын зөвлөл болох Иргэний нисэхийн ерөнхий газрын Залуучуудын холбооны бодлого төлөвлөлт, үйл ажиллагаатай танилцан, хамтын ажиллагааны чиглэлээ тодорхойлж санал бодлоо солилцлоо. Хэнтий аймагт орших Бор-Өндөрийн уулын баяжуулах үйлдвэрийн үйл ажиллагаатай танилцаж, цаашид хамтран ажиллах боломжийн талаар ярилцлаа. Дэлхийн зах зээл дээр металлын үнэ ханш буурч, уул уурхайн компаниудад таагүй нөлөө үзүүлж буй энэ үед Бор-Өндөрийн уулын баяжуулах үйлдвэр нөөц бололцоогоо ашиглаж хямралыг хэрхэн даван туулж байгааг судлан, туршлага солилцов.
Энэхүү уулзалтыг зохион байгуулахад хамтран ажиллаж, тусалж дэмжсэн Эрдэнэт үйлдвэр ХХК-ийн удирдлагууд, МЗХ-ны гишүүд, Иргэний нисэхийн ерөнхий газрын Залуучуудын холбоо, Бор-Өндөрийн уулын баяжуулах үйлдвэрийн Залуучуудын холбооны гишүүдэд талархсанаа илэрхийлье.
Манай Залуучуудын холбооноос “Орон сууц ба залуус” уулзалт зөвлөлгөөн, “Starting point of Erdenet” тэмцээнийг ирэх 9-р сард зохион байгуулахаар төлөвлөн бэлтгэл ажилдаа ороод байна.
“Эрдэнэт” үйлдвэрийн Залуучуудын холбоо
Нар минутад мандаж минутад жаргана.
Үс засуулвал: 
Суудал: 
