ХАБЭА-н чиглэлээр компанид хийж буй ажлын талаар ХАБ-ын албаны дарга Б.Баттайванаас тодрууллаа.
Компанийн Хөдөлмөрийн аюулгүй байдал эрүүл ахуйн 2015 оны 2-р улирлын ажлыг ХАБЭА-н урьдчилан сэргийлэх үнэлгээний комисс дүгнэлээ. Нэгдүгээр хэсэг буюу үндсэн 4 цех болох Баяжуулах фабрик, Засвар механикийн завод, Хүдрийн ил уурхай, Авто тээврийн байгууллагад ХАБЭА-н чиглэлээр хийсэн ажил хангалттай биш байснаас тэргүүн байрт шалгарах цех гарсангүй. Бусад 3 хэсгээс Эрчим хүчний цех, Төмөр замын цех, Спорт ордон шалгаран тэргүүн байр эзэллээ. Мөн Ерөнхий захирлын тушаалаар ХАБЭА-н урьдчилан сэргийлэх ажилд идэвхтэй оролцож, аюул эрсдэлийг илрүүлэн мэдээлсэн, үр ашигтай санал дэвшүүлсэн 21 ажилтныг “Аюулгүй ажиллагч”-аар бүртгэж, компанийн лого бүхий дурсгалын зүйлээр урамшууллаа. Аюулгүй ажиллагчаар 2 дахь удаагаа шалгарсан 11 ажилтанг компанийн удирдах ажилтнуудтай хүлээн авалт ярилцлага хийлгэлээ. Мөн аюулгүй ажиллагчаар 3 дахь удаагаа шалгарсан 11 ажилтныг 100 мянган төгрөгөөр шагнаж урамшууллаа.
ХАБЭА-н 4-р шатны хяналт шалгалтыг хуваарийн дагуу 2 цех дээр явууллаа. Хяналтын явцад ноцтой зөрчил илэрсэнгүй. Гэхдээ анхаарвал зохих зүйлүүд байна. Манай компанийн дотоод хяналтын журмын дагуу цех нэгжүүдэд 3-р шатны хяналтын явцад бол комиссын бүрэлдэхүүнтэй дүнгийн хурал хийх ёстой. Энэ үйл ажиллагаа 2 цехэд дутагдалтай байлаа. Ерөнхий захирлын Үйлдвэрлэл эрхэлсэн орлогчийн гаргасан тушаалын дагуу бүх цех нэгжид аюулгүй ажиллагааны карттай байх ёстой. Засвар үйлчилгээний үед ажилтанд аюулгүй байдлыг бүрэн хангах үүднээс технологийн карт бүрдүүлж өгдөг. Энэ карт Эрдсүлж компани дээр хийгдээгүй байна. ХАБЭА-н бусад ажил хэвийн явагдаж байна.
Нар минутад мандаж минутад жаргана.
Үс засуулвал: 
Суудал: 
