“Эрдэнэт” үйлдвэрийн хүдэр боловсруулах хүчин чадлыг 6 сая тонноор нэмэгдүүлэх Баяжуулах фабрикийн өөрөө нунтаглах хэсгийн өргөтгөлийг энэ сарын 20-нд ашиглалтанд оруулна. Энэхүү түүхэн томоохон бүтээн байгуулалтын ажил амжилттай дуусч байгаа тэмдэглэлт үйл явдлыг тохиолдуулан үйлдвэрийн нийт хамт олонд мөнгөн урамшуулал олгох тухай “Эрдэнэт” үйлдвэрийн Ерөнхий захирлын А/349 тоот тушаал өнөөдөр гарлаа. Уг тушаалд үйлдвэрийн ажилтан, ажиллагсдад тус бүр нэг сая төгрөг, өндөр настан, мэргэжлээс шалтгаалах өвчний улмаас хувь тогтоолгосон ажиллагсад тус бүрт 500 000 төгрөг, “Эрдсүлж” ХХК, “РСЦ” ХХК –ийн ажиллагсдад 500 000 төгрөг, үйлдвэрийн гэрээт байгууллагуудын ажилтан, компанид хөлсөөр ажиллах гэрээ байгуулан ажиллаж байгаа ажиллагсад тус бүрт 200 000 төгрөгийн урамшуулал олгох юм байна. Урамшуулалд зарцуулагдах мөнгөн хөрөнгийг үйлдвэрийн үр ашгийг нэмэгдүүлэх, өртөг зардлыг бууруулах тухай Ерөнхий захирлын тушаалуудын дагуу авсан арга хэмжээний хэмнэлтээс гаргана. “Эрдэнэт” үйлдвэр хямралтыг даван туулах төлөвлөгөө боловсруулан, үйлдвэрийн хэмжээнд хэмнэлтийн бодлого хэрэгжүүлсний үр дүнд 2013 онд 37 тэрбум, 2014 онд 43 тэрбум төгрөгийн хэмнэлттэй ажилласан юм.
Н.Гантөгс
Нар минутад мандаж минутад жаргана.
Үс засуулвал: 
Суудал: 
