Монголын ард түмэн түүн дотроос Эрдэнэтчүүд, “Эрдэнэт” үйлдвэрийн үе үеийн ажиллагчид ИТА бидний сэтгэлд дотно Украйн улс, зүүн Украйны нутаг дэвсгэрт иргэний дайны гал дүрэлзээд жил гаран боллоо. НҮБ-ийн албан ёсны мэдээгээр Домбасст 7000 орчим жирийн иргэн амь насаа алдсаны дотор, 200 гаруй нь бага насны хүүхэд байгаа аж. Дайнд хамгийн их сүйрэл амссан энэхүү бүс нутагт 15000 гаруй хүн шархдаж тахир дутуу болоод байна. Украйны аж үйлдвэрийн бүс болох Домбасс муж, Донецск, Луганск хотуудын дэд бүтэц юу ч үгүй эвдэрч тус нутагт гамшиг болж буйг НҮБ хүлээн зөвшөөрч дайныг зогсоохын тулд бүхнийг хийж байгаа ч дайн үргэлжилсээр байна.
Домбасс нутаг, Украйн улс яагаад бидний сэтгэлд ойрхон байдаг вэ гэвэл манай улсын аж үйлдвэр, уул уурхайн салбарт, ялангуяа “Эрдэнэт” үйлдвэр, хотын бүтээн байгуулалтанд Домбасс нутаг, Украйны олон арван мэргэжилтэн оролцож, тэнд үйлдвэрлэсэн техник тоног төхөөрөмжийг ашиглаж байлаа. Мөн Донецск, Луганск, Мариупаоль (Жданов), Кривой-Рог, Киев, Харьков зэрэг хотод төгссөн олон монгол залуус, уул уурхайн салбарт амжилттай ажиллаж явна. Зөвхөн “Эрдэнэт” үйлдвэр, хотод л гэхэд Киев, Донецск, Одесса, Терновск, Кривой Рог, Запорожье, Мариупаоль (Жданов), Львов, Харьков хотод их дээд сургууль төгссөн 100 гаруй хүн ажиллаж амьдарч байна.
Саяхан Улаанбаатар хотноо Украйны зүүн бүс нутагт гарсан дайнд сэтгэл зовнисон хүмүүс, ЗХУ Украйнд их дээд сургууль төгсөгчид “Новороссия-андууд” нийгэмлэг байгуулж, хү-мүүнлэгийн сүйрэлд нэрвэгдээд байгаа Дом-бассын жирийн иргэдэд туслах хандивын аян өрнүүлж, тусламж эхнээсээ хүргэгдсэн байна. Энэ санаачилга, сайн үйлсийн аянд Эрдэнэтчүүд, “Эрдэнэт” үйлдвэрийнхэн та бүхнийг идэвхтэй оролцохыг уриалж байна. Зовох цагт нөхрийн чанар танигддаг. Төрөлх үйлдвэрийн маань бүтээн байгуулалт, боловсон хүчнийг бэлтгэхэд үнэлж баршгүй хувь нэмрээ оруулсан ард түмэнд туслах нь та бидний хүн чанарын илрэл болох билээ
“Новороссия-андууд” нийгэмлэгийн үйл ажиллагаатай Facebook-ийн “Друзья Ново-россия” бүлгээр танилцана уу?
Хандивын данс: ХААН БАНК 5111187894
Утас: 89271433, 96002268
Нар минутад мандаж минутад жаргана.
Үс засуулвал: 
Суудал: 
